مەمفيس ۋنيۆەرسيتەتىنىڭ زەرتتەۋشىلەرى جۇرگىزگەن زەرتتەۋگە سايكەس, شاحمات ەستە ساقتاۋ مەن دەن قويا ءبىلۋدى جاقسارتادى. سونداي-اق شاحمات ويناۋ كەزىندە مي ۆيزۋاليزاتسيا مەن بەينەلى ويلاۋدىڭ قابىلەتىن قولدانادى, سول ارقىلى نەيروندار اراسىنداعى بايلانىس نىعايىپ, اقپاراتتى ەستە ساقتاۋ مەن تالداۋ قابىلەتى جاقسارادى.
ماسساچۋسەتس تەحنولوگيالىق ينستيتۋتىنىڭ (MTي) زەرتتەۋشىلەرى شاحمات ويىنى شىعارماشىلىق ويلاۋدى دامىتۋعا كومەكتەسەتىنىن كورسەتتى. شاحمات تاپسىرمالارى ويىنشىدان ءارتۇرلى جاعدايلاردا جاڭا يدەيالار مەن شەشىمدەردى تابۋ قابىلەتىن دامىتا وتىرىپ, ستاندارتتى ەمەس جانە ەرەكشە شەشىمدەردى تابۋدى تالاپ ەتەدى.
جوعارى دەڭگەيلى شاحماتشىلار دا شاحماتتىڭ ينتەللەكتىنى دامىتۋداعى پايداسى تۋرالى ءوز پىكىرلەرىن ايتادى. بۇرىنعى شاحمات الەم چەمپيونى گارري كاسپاروۆ شاحمات وعان قيىن جاعدايلاردا جۇيەلى ويلاۋ, تالداۋ جانە شەشىم قابىلداۋ قابىلەتىن دامىتۋعا كومەكتەسكەنىن اتاپ ءوتتى. ول شاحمات تەك اقىل-وي داعدىلارىن عانا ەمەس, سونىمەن قاتار شىدامدىلىقتى, ءوزىن-ءوزى تاربيەلەۋدى جانە وزىنە دەگەن سەنىمدىلىكتى ارتتىرا وتىرىپ, مىنەزدى دە قالىپتاستىراتىنىن ايتادى.
شاحماتتىڭ ينتەللەكتىنىڭ دامۋىنا كوپتەگەن جاعىمدى اسەرلەرى بار ەكەنى انىق. ءارى ول بارلىق جاس توپتارى ءۇشىن قولجەتىمدى جانە ارنايى داعدىلار مەن جابدىقتاردى قاجەت ەتپەيدى.
ەگەر ءسىز ءوزىڭىزدىڭ ينتەللەكتىڭىزدى دامىتىپ, تانىمدىق قابىلەتتەرىڭىزدى ارتتىرعىڭىز كەلسە, شاحمات ويناۋدى داعدىعا اينالدىرۋىڭىز كەرەك.
ديدار سەرىكوۆ,
ل.ن. گۋميلەۆ اتىنداعى ەۇۋ ستۋدەنتى
