ءۇرىمشى جارمەڭكەسىنىڭ ۇيرەتەرى كوپ

الماتىدا “قازاقستان” قوناق ۇيىندە “قحر-2010 ءۇرىمشى سىرتقى ساۋدا-ەكونوميكالىق ءجار­مەڭكەسى” جانە “2010 قازاقستانداعى قىتاي تاۋ­ار­لارىنىڭ 8-ءشى كورمەسى” اتتى ءباسپاسوز ءما­س­ليحاتى بولىپ ءوتتى. قحر كوممەرتسيا مينيسترلىگى, قر ساۋدا-ونەركاسىپتىك پالاتاسى جانە شىڭجاڭ ەكونوميكالىق گازەتىنىڭ ۇيىمداستىرۋىمەن ءوت­كەن جيىندا ۇرىمشىدە جانە الماتى قالاسىندا وتەتىن جارمەڭكەلەر توڭىرەگىندە كەڭىنەن ءسوز بولدى. ءباسپاسوز ءماسليحاتىندا ءسوز العان سۋار قا­لاسىنداعى كوممەرتسيا دەپارتامەنتى باستى­عىنىڭ ورىنباسارى سۋن چجەنسياو ەكى مەم­لەكەت ارا­سىنداعى ساۋدا, ەكونوميكا, مادەنيەت جانە وزگە دە سالالارداعى ىنتىماقتاستىق ارتا تۇسكەندىگىن اتاپ ايتتى. ءۇرىمشى جارمەڭكەسىنە قازاقستان جانە ازيا­نىڭ بىرقاتار ەلدەرىمەن بىرگە رەسەي وكىلدەرى دە شاقىرىلعان. جارمەڭكەنى ۇيىمداستى­رۋ­شى­لار تۇجىرىمداۋىنشا, مۇنداي جۇزدەسۋ ورتالىق ازيا ەلدەرىنىڭ ساۋداسى ءۇشىن بىرلەسكەن تۇعىر­نا­ما بولاتىندىعى ءسوزسىز. ال, مۇنىڭ ءوزى, تۇپتەپ كەلگەندە, مەملەكەتتەردىڭ ەكونوميكاسى مەن الەۋ­مەتتىك جاعدايىن ارتتىرۋعا قوسىلعان ۇلكەن ۇلەس. ءسوز رەتى كەلگەندە اتاپ ايتارلىق ءجايت, سوڭعى جىلدارى شىڭجاڭ ەكونوميكاسىنىڭ دامۋ قار­قىنى ارتا تۇسۋدە. وتكەن 2009 جىلى شىڭ­جاڭ­دىق GDP – 427 ميلليارد 357 ميلليون يۋان­گە جەتتى. مۇنىڭ ءوزى وتكەن جىلدىڭ وسى مەر­­زىمىمەن سالىستىرعاندا 8,1 پايىز كولەمىندە وسىمگە قول جەتكەنىن كورسەتەدى. ال, يمپورتتىق-ەكسپورتتىق ساۋدا كولەمى 13 ميلليارد 82 ميلليون 800 مىڭ دول­لاردى, ەكسپورت ورتاشا العاندا – 13 ميل­لي­ارد 82 ميلليون 300 مىڭ دوللاردى قۇرايدى. بۇكىل ەل بويىنشا يمپورتتىق-ەكسپورتتىق كولەم ون التىنشى ورىندا تۇر. ەڭ باستىسى, قازاقستان مەن شىڭجاڭ اراسىنداعى ساۋدا سالاسىنداعى كورسەتكىشتەر دە ۋاقىت وتكەن سايىن دامۋ ۇستىندە. باقىت بالعارينا. الماتى.