ەسكەك ەسۋ سپورتى 1900 جىلدان بەرى وليمپيا ويىندارىنىڭ اجىراماس ءبىر بولىگىنە اينالىپ ۇلگەردى. پاريجدە بۇل سپورت ءتۇرىن ۇناتاتىن جانكۇيەرلەر سپورتشىلاردىڭ تارتىستى سايىستارىن عانا ەمەس, سونىمەن قاتار جوعارىدا ايتىپ وتكەنىمىزدەي, وسى سپورت تۇرىنە ارنايى سالىنىپ جاتقان ۆەر-سيۋر-مارنە سپورت كەشەنىنىڭ كەرەمەت كورىنىسىن دە بايقاي الادى. 2024 جىلعى وليمپيا ويىندارىنداعى ەسكەك ەسۋ جارىسىنىڭ تاعى ءبىر ەرەكشەلىگى – وليمپيادا تاريحىندا ەكىنشى رەت ەرلەر مەن ايەلدەر اراسىنداعى سايىستار بىردەي جاعدايدا وتپەك.
پاريجدە قانشا ەسكەكشى ونەر كورسەتەدى؟
ۇيىمداستىرۋشىلار اۋەلگى جوسپارى بويىنشا پاريجدەگى وليمپيا ويىندارىندا 502 سپورتشى ءتۇرلى-ءتۇستى جۇلدەلەردى ساراپقا سالادى. ياعني ەرلەردەن – 251, ايەلدەردەن دە 251 سپورتشى باق سىنايدى. دەگەنمەن توكيوداعى وليمپياداعا قاراعاندا پاريجدەگى دودادا سپورتشىلار سانى 24-كە دەيىن ازايعان. توكيودا 526 سپورتشى باق سىناعان ەدى. سونىمەن قاتار التى جولداما جارىس قوجايىندارى رەتىندە فرانتسيا سپورتشىلارىنا بەرىلەدى.
ال قالعان 496 سپورتشى (248 ەر جانە 248 ايەل) جەتى سايىس بويىنشا جولدامالاردى ءوزارا ساراپقا سالادى. ياعني 58 سپورتشى ء(ار جىنىس بويىنشا 29 جولداما) جەكەلەي سىندا, 52 سپورتشى ء(ار جىنىسقا 26 جولداما) – جۇپتىق, 52 سپورتشى ء(ار جىنىسقا 26 جولداما) – ەكىلىك جۇپتىق, 72 سپورتشى ء(ار جىنىسقا 36 جولداما) – تورتتىك جۇپتىق, 72 سپورتشى ء(ار جىنىسقا 36 جولداما) – جۇپتاسقان تورتتىك, 126 سپورتشى ء(ار جىنىسقا 63 جولداما) – سەگىزدىك جۇپ جانە 64 سپورتشى ء(ار جىنىسقا 32 جولداما) ەكىلىك جۇپتا جولدامالارعا يەلىك ەتەدى.
جولدامالار قالاي تاراتىلادى؟
حالىقارالىق ەسكەك ەسۋ فەدەراتسياسى (FISA) اكادەميالىق ەسكەك ەسۋشىلەرگە پاريج وليمپياداسىنا جولداما جەڭىپ الۋ ءۇشىن تومەندەگىدەي ءۇش مۇمكىندىك بەرەدى.
ءبىرىنشىسى: اكادەميالىق ەسكەك ەسۋ بويىنشا الەم چەمپيوناتى. 3-10 قىركۇيەك كۇندەرى سەربيادا وتەتىن الەم چەمپيوناتىندا 336 جولداما ء(ار جىنىسقا 168 جولدامادان) ساراپقا سالىنادى. بۇل سايىسقا حوك قۇرامىنا ەنەتىن بارلىق ۇلتتىق وليمپيادا كوميتەتتەرى, حالىقارالىق ەسكەك ەسۋ فەدەراتسياسىنىڭ (FISA) قۇرامىنا ەنگەن فەدەراتسيالاردىڭ وكىلدەرى قاتىسا الادى. ال وليمپيادا جولداماسى تەك جوعارى ورىنداردان كورىنگەن سپورتشىلارعا عانا بۇيىرادى.
ەكىنشى: ايماقتىق ىرىكتەۋلەر. ياعني الەم چەمپيوناتىندا ءساتسىز ونەر كورسەتىپ, جولدامادان قاعىلعان نەمەسە الەم بىرىنشىلىگىنە قاتىسا الماعان ۇلتتىق قۇرامالار ايماقتىق ىرىكتەۋ جارىستارىندا وليمپيادالىق كۆوتانى يەلەنىپ كورۋگە تىرىسادى. ەكىنشى مۇمكىندىكتە ازيا جانە مۇحيت ايماعى, افريكا, امەريكا جانە ەۋروپا مەملەكەتىنىڭ وكىلدەرى 64 جولدامانى ء(ار جىنىسقا 32 كۆوتادان) ءوز قۇرلىقتارىنىڭ ىرىكتەۋ سايىستارى ارقىلى ساراپقا سالادى.
ءۇشىنشى: وليمپيادالىق ىرىكتەۋ. الدىڭعى ەكى ىرىكتەۋ سايىستارىندا جولداما الا الماعان سپورتشىلارعا حوك تاعى ءبىر مۇمكىندىك بەرىپ, 2024 جىلدىڭ مامىر ايىندا شۆەيتساريانىڭ ليۋتسەرن قالاسىنداعى وليمپيادالىق ىرىكتەۋدە سوڭعى 96 جولدامانى ء(ار جىنىسقا 48 جولداما) تاراتادى.
وسىلايشا, وليمپيا ويىندارىنا قاتىساتىن 502 سپورتشى ىرىكتەلەدى. ال پاريج وليمپياداسىنداعى اكادەميالىق ەسكەك ەسۋ سايىستارى 2024 جىلدىڭ 26 شىلدە مەن 11 تامىز ارالىعىندا وتەدى.
