دەنساۋلىق ساقتاۋ ءمينيسترى فاحرەددين حوجا مەن مادەنيەت جانە تۋريزم ءمينيسترى مەحمەت نۋري ەرسوي ءوز قىزمەتىندە قالدى.
ۇلتتىق بارلاۋدىڭ بۇرىنعى باسشىسى حاكان فيدان سىرتقى ىستەر ءمينيسترى بولىپ تاعايىندالدى.
قورعانىس ۆەدومستۆوسىنىڭ باسشىسى قىزمەتىنە قك باس شتابىنىڭ بۇرىنعى باستىعى ياشار گۇلەر تاعايىندالدى.
قارجى ءمينيسترى لاۋازىمىن مەحمەت شيمشەك اتقارادى.
ادىلەت مينيسترلىگىن يىلماز تۋنچ باسقارادى.
ستامبۋلدىڭ بۇرىنعى گۋبەرناتورى ءالي ەرليكايا ءىىم باسشىسى بولىپ تاعايىندالدى.
ەنەرگەتيكا جانە تابيعي رەسۋرستار ءمينيسترى الپارسلان بايراكتار بولدى.
قورشاعان ورتانى قورعاۋ ءمينيسترى قىزمەتىنە مەحمەت وجاسەكي تاعايىندالدى.
سونداي-اق رەجەپ تايپ ەردوعان جاڭا كابينەتتىڭ العاشقى وتىرىسى 6 ماۋسىم كۇنى وتەتىنىن ايتتى.
ەستەرىڭىزگە سالا كەتەيىك, 3 ماۋسىمدا 69 جاستاعى رەجەپ تايپ ەردوعان رەسمي تۇردە مەملەكەت باسشىسى قىزمەتىنە كىرىستى.
ۇلىقتاۋ راسىمىنە 98 دەلەگاتسيا وكىلدەرى قاتىستى. تۇركيا پرەزيدەنتى قاسىم-جومارت توقاەۆتى سالتاناتقا ارنايى شاقىردى.
رەجەپ تايپ ەردوعاننىڭ وكىلەتتىك مەرزىمى 2028 جىلعا دەيىن جالعاسادى.
