2 ماۋسىمدا قايتىس بولعان گۇلميرا كارىموۆانىڭ ورنىنا سولتۇستىك قازاقستان وبلىسىنان پارلامەنت سەناتىنىڭ دەپۋتاتتىعىنا سايلاۋ ءوتتى.
سەنات دەپۋتاتىن جاناما سايلاۋ قۇقىعى نەگىزىندە ءماسليحاتتاردىڭ دەپۋتاتتارى بولىپ تابىلاتىن سايلاۋشىلار جاسىرىن داۋىس بەرۋ ارقىلى سايلادى. وبلىستاعى تاڭداۋشىلار تىزىمىندە 193 ءماسليحات دەپۋتاتى بار.
پارلامەنت سەناتىنىڭ دەپۋتاتتىعىنا وبلىستان ەكى ازامات ۇمىتكەر بولدى. داۋىس بەرۋ ناتيجەسىندە وبلىستاعى «امانات» فيليالىنىڭ ءتورايىمى اسەم راحمەتوۆا سولتۇستىك قازاقستان وبلىسىنان سەناتور بولىپ سايلاندى. ول سايلاۋشىلاردىڭ 74,4 پايىز داۋىسىن الدى.
وڭىردەن سەناتورلىققا ەكىنشى ۇمىتكەر سولتۇستىك قازاقستان وبلىسى ءدىن ىستەرى باسقارماسىنىڭ باسشىسى راۋزا قاسەنوۆا بولدى.
ەسكە سالايىق, 27 قاڭتاردا سەناتور گۇلميرا كارىموۆانىڭ قايتىس بولعانى بەلگىلى بولعان.
