«قازىرگى تاڭدا 60-تان استام كوشە مەن 15 مەكتەپكە جاڭا اتاۋ بەرۋ تۋرالى ۇسىنىستار بار. بۇل ۇسىنىستار ونوماستيكالىق كوميسسيانىڭ الداعى وتىرىسىنىڭ كۇن تارتىبىنە ەنگىزىلەدى», دەدى استانا قالاسى تىلدەردى دامىتۋ جانە ارحيۆتەر باسقارماسى باسشىسىنىڭ ورىنباسارى ايگەرىم مولداباەۆا قالالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ونىڭ ايتۋىنشا, استانادا بارلىعى 17 داڭعىل, 4 تاسجول جانە 1110 كوشە بار. ولاردىڭ كوپشىلىگى 1997 جىلدان كەيىن كورنەكتى تۇلعالار مەن تاريحي توپونيمدەردىڭ قۇرمەتىنە جاڭا اتاۋلارعا يە بولدى.
حالىقارالىق قارىم-قاتىناستى نىعايتۋ ماقساتىندا ەلوردا كوشەلەرىنىڭ بىرىنە ازەربايجان پرەزيدەنتى بولعان گەيدار اليەۆ ەسىمى بەرىلسە, جاڭا الاڭعا «بۇۇ الاڭى» دەگەن اتاۋ بەرىلدى.
