ءىس-شارانىڭ تاعى ءبىر ماقساتى – ديپلوماتيالىق قارىم-قاتىناستاردى جاڭا دەڭگەيگە كوتەرىپ, مەملەكەتتەر اراسىنداعى ەكونوميكالىق جانە ساياسي بايلانىستاردى نىعايتىپ, جالپىعا ورتاق قيىندىقتان بىرلەسە وتىرىپ شىعۋ. ءسويتىپ, حالىقارالىق بايلانىستاردى تاعى دا نىعايتا ءتۇسۋ.
فورۋمدا دۇنيەجۇزىنىڭ ەڭ ۇزدىك ساراپشىلارى باس قوسىپ, بۇگىنگى كۇندەگى جاھاندىق پروبلەمالاردىڭ شەشىمىن تابۋعا اتسالىسادى.
ۇلكەن ءىس-شارا ەل پرەزيدەنتى قاسىم-جومارت توقاەۆتىڭ توراعالىعىمەن وتەدى. فورۋمعا ءبىر مىڭنان استام شەتەلدىك قوناق كەلەدى دەپ كۇتىلىپ وتىر.
قوناقتار قاتارىندا قاتار مەملەكەتىنىڭ ءامىرى شەيح تاميم بين حاماد ءال تاني, قىرعىز رەسپۋبليكاسىنىڭ پرەزيدەنتى سادىر جاپاروۆ, بوسنيا, جانە گەرتسەگوۆينا پرەزيديۋمىنىڭ توراعاسى جەلكا تسۆيانوۆيچ, دۇنيەجۇزىلىك ساۋدا ۇيىمىنىڭ باس ديرەكتورى (دسۇ) نگوزي وكوندجو-يۆەالا, بىرىككەن ۇلتتار ۇيىمىنىڭ ءبىلىم, عىلىم جانە مادەنيەت جونىندەگى باس ديرەكتورى (يۋنەسكو) ودرە ازۋلە, بىرىككەن ۇلتتار ۇيىمى باس حاتشىسىنىڭ ورىنباسارى جانە بىرىككەن ۇلتتار ۇيىمىنىڭ ازيا مەن تىنىق مۇحيت ەكونوميكالىق جانە الەۋمەتتىك كوميسسياسىنىڭ (اتمەاك) اتقارۋشى حاتشىسى ارميدا اليسجاحبانا, حالىقارالىق ۆاليۋتا قورىنىڭ باسقارۋشى ديرەكتورى (حۆق) كريستالينا گەورگيەۆا, سونداي-اق بۇۇ باس حاتشىسىنىڭ ەۋروپا, ورتالىق ازيا, سولتۇستىك جانە وڭتۇستىك امەريكا ماسەلەلەرى جونىندەگى كومەكشىسى, بۇۇ ورتالىق ازيا بويىنشا پرەۆەنتيۆتى ديپلوماتيا جونىندەگى وڭىرلىك ورتالىعى باسشىسىنىڭ مىندەتىن اتقارۋشى ميروسلاۆ ەنچا بولادى دەپ جوسپارلانىپ وتىر.
بۇلارمەن قاتار, بۇۇ باس حاتشىسىنىڭ كومەكشىسى, اكىمشىسىنىڭ كومەكشىسى جانە بۇۇ دامۋ باعدارلاماسىنىڭ ەۋروپا جانە تمد ايماقتىق بيۋروسىنىڭ ديرەكتورى يۆانا جيۆكوۆيچ, ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) باس حاتشىسى حەلگا شميد, ەقىۇ پارلامەنتتىك اسسامبلەياسىنىڭ توراعاسى مارگارەتا سەدەرفەلت, شانحاي ىنتىماقتاستىق ۇيىمىنىڭ (شىۇ) باس حاتشىسى چجان مين, ەۋروپا قايتا قۇرۋ جانە دامۋ بانكىنىڭ (ەقدب) پرەزيدەنتى وديل رەنو-باسسو, ازيا دامۋ بانكىنىڭ (ادب) پرەزيدەنتى ماساتسۋگۋ اساكاۆا, بىرىككەن اراب امىرلىكتەرىنىڭ ەنەرگەتيكا جانە ينفراقۇرىلىم ءمينيسترى سۋحەيل مۇحاممەد فارادج ءال مازرۋي, ەۋروپالىق اۋىل شارۋاشىلىعى جونىندەگى كوميسسار يانۋش ۆويتسەحوۆسكي, ەفيوپيانىڭ ەكس-پرەزيدەنتى مۋلاتۋ تەشومە, بۋركينا-فاسونىڭ ەكس-پرەمەر-ءمينيسترى لاسينا زەربو, شۆەيتساريالىق ديپلومات جانە ەقىۇ ەكس-باس حاتشىسى توماس گرەمينگەر, S&P Global توراعاسىنىڭ ورىنباسارى دەنيەل ەرگين, Ban Ki-moon Foundation for a Better Future قورىنىڭ ديرەكتورى جانە كورەيا رەسپۋبليكاسىنىڭ كليمات وزگەرۋى جونىندەگى ەكس-كەڭەسشىسى راە كۆون چۋنگ بار.
«ديالوگ ارقىلى سىن-قاتەرلەردى ەڭسەرۋ: ىنتىماقتاستىق, دامۋ جانە پروگرەسس جولىندا» اتتى ەكى كۇندىك فورۋمدا قاتىسۋشىلار ءتورت نەگىزگى باعىت بويىنشا ماسەلەلەردى شەشۋدىڭ جاڭا جولدارىن قاراستىرادى. ءبىرىنشى, سىرتقى ساياسات جانە حالىقارالىق قاۋىپسىزدىك, ەكىنشى, حالىقارالىق دامۋ جانە تۇراقتىلىق, ءۇشىنشى, ەنەرگەتيكا جانە كليماتتىڭ وزگەرۋى, ءتورتىنشى, ەكونوميكا جانە قارجى.
فورۋم اياسىندا جوعارىدا اتالعان باعىتتار بويىنشا 40-تان استام پانەلدىك سەسسيا, بەيرەسمي پىكىرتالاس جانە باسقا دا باعدارلامادان تىس ءىس-شارا وتكىزىلەدى. فورۋمنىڭ ستراتەگيالىق سەرىكتەستەرى – بۇۇ جانە CNN.
بۇۇ جوعارى دەڭگەيدەگى سپيكەرلەردى ۇسىنۋ جانە وزدەرىنىڭ بىرنەشە اگەنتتىگىنىڭ قاتىسۋىن قامتاماسىز ەتۋ ارقىلى ءىس-شاراعا قولداۋ كورسەتەدى.
