ەلەنا رىباكينا بۇل كەزەڭدە چەحيا تەننيسىنىڭ جاس جۇلدىزى, قازىرگى تاڭدا الەمدىك رەيتينگتە 50-ورىندا تۇرعان 18 جاستاعى ليندا نوسكوۆامەن شەبەرلىك بايقاستى. ءبىرىنشى پارتيادا وتانداسىمىز ەكى برەيك جاساپ, العاشقى سەتتى 6:3 ەسەبىمەن ءوز پايداسىنا اياقتادى. سوڭعى, توعىزىنشى گەيمدى تەننيسشىلەر ون مينۋتتان اسا ۋاقىت ويناپ, رىباكينا تەك التىنشى سەت-پوينتتا عانا قارسىلاسىن قاپى قالدىردى.
ەكىنشى سەتتە قارسىلاستار وزدەرى دوپتى ويىنعا قوسقان گەيمىندە ساۋاتتى ويناپ, ۇزاق ۋاقىت بويى تارازى باسى تەڭسەلىپ تۇردى. سەگىزىنشى گەيمگە كەلگەندە رىباكينا 40:15 ەسەبىمەن برەيك جاساپ, توعىزىنشى گەيمدە ويىننىڭ نۇكتەسىن قويدى – 6:3. ەلەنا ءۇشىنشى اينالىمدا يسپانيالىق سارا سورريبەس-تورمو نەمەسە حورۆاتيالىق پەترا مارتيچپەن كەزدەسەدى.
ال يۋليا پۋتينتسەۆا ەكىنشى اينالىمدا الەمنىڭ 19-راكەتكاسى قىتايلىق چجەن تسينۆەنمەن كەزدەسىپ, ءۇش سەتكە جالعاسقان ماتچتا – 6:3, 4:6, 6:2 ەسەبىمەن جەڭىسكە جەتتى. ەندى پۋتينتسەۆا ءتورتىنشى اينالىمعا شىعۋ ءۇشىن الەمنىڭ 30-راكەتكاسى امەريكالىق سلوان ستيۆەنسپەن شەبەرلىك بايقاسادى.
