مەكتەپ ديرەكتورى مايا مۇقاشەۆا وقۋشىلاردى وقۋ جىلىنىڭ اياقتالۋىمەن قۇتتىقتادى. تۇلەكتەرگە ۇلتتىق بىرىڭعاي تەستىلەۋ مەن مەملەكەتتىك ەمتيحاندى ويداعىداي تاپسىرۋعا تىلەكتەستىگىن ءبىلدىردى. سونداي-اق ۇستازدار قاۋىمى ولارعا ۇلكەن سەنىم ارتاتىنىن جەتكىزدى.
بيىل №71 مەكتەپ-ليتسەيىن 99 وقۋشى اياقتادى. ولاردىڭ 12-ءسى – «التىن بەلگىگە» ۇمىتكەر. التىن ۇيا مەكتەبىنىڭ تابالدىرىعىنان ۇلكەن ومىرگە قانات قاققان تۇلەكتەر ۇستازدارعا العىس ءبىلدىردى.
بۇل كۇنى قالالىق, رەسپۋبليكالىق بايقاۋلاردا توپ جارعان وقۋشىلارعا «الحىس حاتتار» تابىستالدى. مەكتەپ تۇلەكتەرى تەك ءبىلىم, عىلىمدا عانا ەمەس, سۋرەت ونەرى, سپورت, مۋزىكادان دا كوپ جەتىستىككە جەتكەن.
جوعارى ساناتتى ۇستاز, پەداگوگ-زەرتتەۋشى, دارىندى وقۋشىلاردىڭ جەتەكشىسى اقىرىس نۇرليەۆا ەسىل اۋدانى اكىمىنىڭ «قۇرمەت گراموتاسىمەن» ماراپاتتالدى.
سونداي-اق سالتاناتتى كەشتە التىن اشكەنوۆا مەن گۇلنار بيديلدينوۆا سىندى سىنىپ جەتەكشىلەرى ءسوز سويلەپ, اق تىلەگىن جولدادى.
مەرەي اۋعالي,
ل.ن.گۋميلەۆ اتىنداعى ەۇۋ ستۋدەنتى
