اسەم ءنۇسىپوۆانىڭ ايتۋىنشا, قازىرگى كەزدە شاھاردا قوسىمشا ءبىلىم بەرەتىن 17 مەكەمە بار.
مەكتەپ جاسىنداعى 320 مىڭ بالانىڭ تەك 10 پايىزى تەگىن ۇيىرمەلەرمەن جانە سپورت سەكتسيالارىمەن قامتاماسىز ەتىلگەن.
پرەزيدەنتتىڭ تاپسىرماسى بويىنشا «100 زاماناۋي وقۋشىلار سارايىن سالۋ» باعدارلاماسىن جۇزەگە اسىرۋ ماقساتىندا الاتاۋ اۋدانىندا تاعى دا وسىنداي يننوۆاتسيالىق شىعارماشىلىق ورتالىق سالىنعان. وسىنداي نىسانداردىڭ بالالارعا قولجەتىمدىلىگىن قامتاماسىز ەتۋ ءۇشىن تۇركسىب جانە بوستاندىق اۋداندارىندا بۇرىنعى ەسكى وقۋشىلار سارايىنىڭ ورنىنا جاڭادان دامۋ جانە شىعارماشىلىق ورتالىقتارىن سالۋ جوسپارلانعان.
جالپى, قالا باسشىلىعى 2025 جىلدىڭ سوڭىنا قاراي تەگىن قوسىمشا بىلىممەن قامتۋ كورسەتكىشىن 25 پايىزعا جەتكىزۋدى كوزدەپ وتىر.
