پاريج وليمپياداسى: كىمدە جولداما بار؟

پاريجدەگى ءدۇبىرلى دوداعا جولداما بەرەتىن ىرىكتەۋ سايىستارىنىڭ دەنى بيىلعا جوسپارلانعانىمەن, 2022 جىلدىڭ وزىندە جەر-جاھان­نىڭ سپورتشىلارى سپورتتىڭ 11 تۇرىنەن 2024 جىلعى وليمپيا ويىن­دارىنا 120 جولداما جەڭىپ العان. ولاردىڭ ىشىندە ەڭ كوپ جول­داما نىسانا كوزدەۋ سپورتىنا تيەسىلى. ال بيىل سپورتشىلار تاعى 13 سپورت تۇرىنەن جولداماعا تا­لاسادى.

جازعى وليمپيا ويىندارىن ءوز تاريحىندا وسىمەن ءۇشىنشى مارتە وتكىزگەلى وتىرعان فرانتسيا – جارىستى ۇيىمداستىرۋشى مەم­لەكەت بولعاندىقتان, ء«ۇش جو­لاقتى» ەلدىڭ سپورتشىلارى تورت­جىلدىقتىڭ باس­تى باسەكەسىنىڭ باع­دارلاماسىنا ەنگەن بارلىق سپورت تۇرىنەن ىرىكتەۋسىز-اق جول­دا­­مالارعا قول جەتكىزىپ وتىرعانىن ايتا كەتكەن ءجون.

جوعارىدا ايتىپ وتكەنى­مىز­دەي, قازىرگى تاڭدا پاريج وليم­پياداسىنا ەڭ كوپ جولدامانى (76!) نىسانا كوزدەۋ سپورتشىلارى جەڭىپ الدى. اتاپ ايتقاندا, پنەۆماتيكالىق مىلتىقپەن وق اتۋ (10 مەتر) بويىنشا ايەلدەردەن اقش قۇراماسى 2 كۆوتا, قىتاي, پولشا, كورەيا سپورتشىلارى ءبىر-ءبىر جولداماعا يەلىك ەتسە, ءدال وسى ساناتتاعى ەرلەر باسەكەسىندە ءۇندىستان, يتاليا, قىتاي, چەحيا, اقش قۇرامالارى ازىرگە ءبىر عانا جولدامانى قاناعات تۇتقان.

سونىمەن قاتار مىلتىقپەن ءۇش قالىپتان اتۋ (50 مەتر), ايەلدەر: دانيا, چەحيا, قىتاي, نورۆەگيا, اقش (2 كۆوتا), كورەيا;

مىلتىقپەن ءۇش قالىپتان اتۋ (50 مەتر), ەرلەر: چەحيا, نورۆەگيا, ۋكراينا, پولشا, ءۇندىستان, قى­تاي, اقش;

پنەۆماتيكالىق تاپانشا (10 مەتر), ايەلدەر: گرەكيا, قىتاي, سەربيا, ارمەنيا, اقش;

پنەۆماتيكالىق تاپانشا (10 مەتر), ەرلەر: قىتاي, پاكىستان, كو­رەيا, ۋكراينا, برازيليا;

تاپانشا (25 مەتر), ايەلدەر: گەرمانيا, پولشا, كورەيا, قىتاي, بولگاريا, يران, اقش;

تەز اتاتىن تاپانشا (25 مەتر), ەرلەر: فرانتسيا, گەرمانيا (2 كۆوتا), كورەيا, پاكىستان, قىتاي, كۋبا;

تراپ, ايەلدەر: يتاليا, ۇلى­بريتانيا, فرانتسيا, يسپانيا, سلوۆاكيا, اۋستراليا, اقش;

تراپ, ەرلەر: چەحيا, شۆەتسيا, اقش (2 كۆوتا), ۇلىبريتانيا, قى­تايلىق تايپەي, ءۇندىستان;

سكيت, ايەلدەر: ۇلىبريتانيا, گەرمانيا, اقش (2 كۆوتا), يتاليا, سلوۆاكيا, ۋكراينا;

سكيت, ەرلەر: چەحيا, يتاليا, اقش (2 كۆوتا), شۆەتسيا, مىسىر, قاتار.

نىسانا كوزدەۋ سپورتىنىڭ ەرە­جەسى بويىنشا وليمپيا وي­ىن­دا­رىنىڭ ىرىكتەۋى سپورتشى­لار­دىڭ ءار جارىستا جيناعان رەي­تينگتىك ۇپايلارىنا قاراي ۇلەس­تىرىلەدى.

كەيىنگى ەڭ كوپ جولداما ات ءۇشسايىسى سپورتشىلارىنا تيە­سىلى. ولاردىڭ ەنشىسىندە 7 جولداما بار. ماسەلەن, كوماندالىق ىرىكتەۋ (3 ادامنان) سايىسى بويىن­شا گەرمانيا, اقش, جاڭا زەلانديا, ۇلىبريتانيا, يرلانديا, شۆەتسيا, شۆەيتساريا, فرانتسيا (جارىس قوجايىنى) مەملەكەتتەرىندە ءبىر جولدامادان بار. بۇل سپورت تۇرى­نەن وليمپيادا جولدامالارى 2023 جىلدىڭ 1 قاڭتارى مەن 31 جەلتوقسانى ارالىعىنداعى رەيتينگكە قاراپ بەرىلەدى.

سپورتتىق گيمناستيكا (6 جولداما) بويىنشا ايەلدەر كو­مانداسىنان (5 سپورتشى) اقش, ۇلى­بريتانيا, كانادا جانە ەرلەر كومانداسىنان (5 سپورت­شى) قى­تاي, جاپونيا, ۇلىبري­تا­نيا قۇرامالارى پاريج وليم­پيا­داسىنا دايىندىقتارىن باس­تاپ كەتتى.

اتالعان التى ەلدىڭ سپورتشىلارى وليمپيادا جولداماسىن بىلتىر ۇلىبريتانيانىڭ ليۆەرپۋل قالاسىندا وتكەن الەم چەمپيوناتىندا ولجالاعانىن جانكۇيەرلەر جاقسى بىلەدى. ال بيىلعى جولدامالار وسى جىلدىڭ 29 قىركۇيەگى مەن 8 قازانى ارالىعىندا بەلگيانىڭ انتۆەرپەن قالاسىندا جالاۋى جەلبىرەيتىن كەزەكتى الەم بىرىن­شى­لىگىندە ساراپقا سالىنادى.

سونىمەن قاتار كوركەم گيمناستيكا وكىلدەرى دە بۇگىنگە دەيىن 6 جولداما جەڭىپ العان. اتاپ ايت­قاندا, جەكەلەي ىرىكتەۋ سايىستارى بويىنشا يتاليا, گەرمانيا, بولگاريا, ال توپتىق ىرىكتەۋ (5 سپورتشىدان) ساناتىندا بولگاريا, يزرايل, يسپانيا سپورتشىلارى جولداماعا يەلىك ەتتى. بۇل سپورت تۇرىنەن ەڭ جاقىن وليمپيادالىق ىرىكتەۋ 2023 جىلدىڭ 23-27 تامىزىندا يسپانيانىڭ ۆالەنسيا قالاسىندا الەم چەمپيوناتى اياسىندا وتەدى.

ات سپورتى (6) بويىنشا كومان­دالىق ىرىكتەۋدەن وتكەندەر ء(ار كوماندادان 3 سپورتشى): دانيا, ۇلى­بريتانيا, گەرمانيا, شۆەتسيا, نيدەرلاند, اقش, فران­تسيا (جارىس قوجايىنى). ات سپورتىنىڭ جول­­دامالارى 2022 جىلدىڭ 1 قىر­­­كۇيەگى مەن 31 جەل­توقسانى ارا­­­لى­عىنداعى ناتي­جە­لەرگە قاراپ بەرىلەدى.

كونكۋر (6) سايىسى: كومان­دالىق ىرىكتەۋ (3 ادامنان): شۆەتسيا, نيدەرلاند, ۇلىبريتانيا, ير­لان­ديا, گەرمانيا, بەلگيا, فران­تسيا (جارىس قوجايىنى).

ات ۇستىندە ءارتۇرلى كەدەرگى­لەردەن وتەتىن كونكۋرس سايىسىنىڭ وليمپيادالىق جولداماسى 2023 جىلدىڭ 1 قاڭتارى مەن 31 جەلتوق­سانى ارالىعىنداعى رەيتينگكە قاراپ بەرىلەدى.

فۋتبول (5). ايەلدەر: برازيليا, كولۋمبيا, اقش, فرانتسيا (جارىس قوجايىنى). ەرلەر: دومينيكان رەسپۋبليكاسى, اقش, فرانتسيا (جا­رىس قوجايىنى).

ترياتلون (4). ايەلدەر: ۇلى­بريتانيا (2 كۆوتا), فرانتسيا (2 كۆوتا جارىس قوجايىنى رەتىندە بەرىلدى). ەرلەر: ۇلىبريتانيا (2 كۆوتا), فرانتسيا (2 كۆوتا جا­رىس قوجايىنى رەتىندە بەرىل­دى). سپورتتىڭ بۇل تۇرىنەن وليم­پيا ويىندارىنىڭ جولداماسى سپورت­شىلاردىڭ ىرىكتەۋ سايىس­تارىنداعى ناتيجەلەرىنە قاراپ, رەيتينگ ارقىلى بەرىلەدى.

گاندبول (2 جولداما). ايەل­دەر: نورۆەگيا, فرانتسيا (جارىس قوجايىنى). ەرلەر: دانيا, فران­تسيا (جارىس قوجايىنى).

سپورتتىڭ بۇل تۇرىنەن ەرلەر اراسىنداعى جولدامانى دانيا قۇراماسى جىل باسىندا پولشا مەن شۆەتسيادا وتكەن الەم چەمپيوناتىندا جەڭىپ العان بولسا, نورۆەگيا قىزدارى وليمپيادا جولداماسىن بىلتىرعى ەۋروپا چەمپيوناتىندا يەلەنگەن ەدى.

سەرفينگ (2). ايەلدەردەن – اقش, ەرلەردەن – جاپونيا قۇرامالارى.

باسكەتبول (1). ايەلدەردەن – اقش جانە فرانتسيا (جارىس قو­جايىنى), ەرلەردەن – فرانتسيا (جارىس قوجايىنى) قۇراماسى. باسكەتبول جارىسىنان ەڭ جاقىن وليمپيادالىق ىرىكتەۋ سايىسى ايەلدەر اراسىنداعى ەۋروپا چەمپيوناتى بولماق. بۇل جارىس 15-25 ماۋسىم ارالىعىندا يزرايل جانە سلوۆەنيادا ۇيىمداستىرىلادى.

ازىرگە قازاقستان قۇراماسىنىڭ قورجىنىندا بىردە-ءبىر وليمپيادا جولداماسى جوق. دەگەنمەن ىرىكتەۋ سايىستارى ەندى-ەندى باستالىپ جاتقانىن دا ەسكەرە كەتكەن ءجون.