جۇلدە قورى 49 600 000 ەۋرونى قۇرايتىن فرانتسيا اشىق بىرىنشىلىگىنىڭ العاشقى اينالىمىن جەرلەستەرىمىزدەن ءبىرىنشى بولىپ ايەلدەر اراسىنداعى ەلىمىزدىڭ – ەكىنشى, الەمنىڭ 58-راكەتكاسى يۋليا پۋتينتسەۆا باستاپ بەردى. ول العاشقى اينالىمدا دۇنيەجۇزىلىك رەيتينگتە 89-ورىندا تۇرعان بەلگيانىڭ اتىنان سىنعا ءتۇسىپ جۇرگەن ۋكراينالىق مارينا زانەۆسكايامەن شەبەرلىك بايقاستى. ەكى جارىم ساعاتقا جۋىق جالعاسقان تارتىستى ماتچتا پۋتينتسەۆا 2:0 ەسەبىمەن جەڭىسكە جەتتى.
ءبىرىنشى پارتيانى تەننيسشىلەر ءبىر-ءبىر برەيك الماسۋمەن باستادى. سودان كەيىنگى ءۇش گەيمدە م.زانەۆسكايا مىقتىلىق تانىتىپ, 4:1 ەسەبىمەن العا شىعىپ الدى. بىراق يۋليا قارسىلاسىنا بۇل پارتيادا جەڭىسكە جەتۋگە مۇمكىندىك بەرگەن جوق. دوپتى ويىنعا ءوزى قوسقان گەيمدەردە ءساتتى ويناپ, توعىزىنشى جانە ونىنشى گەيمدە قايىرا برەيك جاساپ, العاشقى پارتيانى ءوز پايداسىنا جازدى – 7:5. ەكىنشى سەتتىڭ تاعدىرى تاي-برەيكتە شەشىلدى. بۇل سىندا مىقتىلىق تانىتقان پۋتينتسەۆا 7:6 (7:3) ەسەبىمەن جەڭىسكە جەتىپ, ءتۋرنيردىڭ ەكىنشى اينالىمىنا جولداما الدى. ەكىنشى كەزەڭدە ول الەمنىڭ 19-راكەتكاسى قىتايلىق چجەن تسينۆەنمەن وينايدى.
