جەرگىلىكتى باق ناقتىلاعانداي, 66 جاستاعى زەينەتكەر مۇگەدەكتەر ارباسىندا قولىن جايىپ, بانك شوتىنا اقشا اۋدارۋدى سۇراعان.
ەرىكتىلەردىڭ ايتۋىنشا, بىرەۋلەر ايەلدى تاڭەرتەڭ بازارعا اكەلىپ, قايىر سۇراۋعا ماجبۇرلەگەن.
ساداقا سۇراعان ەگدە ايەلدىڭ ايتۋىنشا, ول ىستىقتا دا, سۋىقتا دا دالادا وتىرعان. ۇزاق ۋاقىت بويى ول تەك نان مەن سۋمەن تاماقتانعان دەگەن بولجام بار. اجە ءبىرىنشى توپتاعى مۇگەدەكتەردىڭ قاتارىنا جاتاتىنى انىقتالدى. ول الماتىعا كەلگەنگە دەيىن اتىراۋ مەن اقتوبەدە «ادام ساتۋشىلارمەن» بىرگە تۇرعان. سودان كەيىن ول باسقا «قوجايىندارعا» تاپسىرىلدى.
«ەسىمدە جوق. مەنى ءبىر ايەل ادام قاتتى ۇرىپ-سوعىپ, از اقشا اكەلەسىڭ دەيتىن. بىراق مەن كوپ اقشانى قايدان الامىن؟», دەپ ءبولىستى زەينەتكەر.
زەينەتكەردىڭ ايتۋىنشا, بەلگىسىز بىرەۋلەر الدىمەن ونىڭ كۋالىگى مەن زەينەتاقى كىتاپشاسىن تارتىپ العان.
«ودان باسقا ارباعا تاڭىلعان ادامداردى اكەلىپ جاتىر. بارلىعى قورقادى, سىبىرلاپ سويلەسەدى. بارلىعى كومەك سۇراپ جاتىر. بۇل وتە كۇردەلى ماسەلە. ەگەر بۇل ىسكە قوعامدىق نارازىلىق تۋدىرماسا, ادام ساۋداسى مەن ولاردى قۇلدىقتا ۇستاۋ جالعاسا بەرەدى», دەدى «ادىل» قايىرىمدىلىق قورىنىڭ نەگىزىن قالاۋشى وكسانا مارالوۆا.
پوليتسيا قىزمەتكەرلەرى بۇل ىسكە قاتىستى سوتقا دەيىنگى تەرگەۋ جۇرگىزىلەتىنىن حابارلادى. قازىر ءتارتىپ ساقشىلارى بانك شوتىنىڭ كىمگە تيەسىلى ەكەنىن انىقتاپ جاتىر.
ايتا كەتسەك, بيىلعى جىلدىڭ 16 مامىرىندا وسى جاعدايعا ۇقساس وقيعا بولعان. اقتوبە قالاسىنىڭ تۇرعىنى ەكى جىل بويى قۇلدىقتا بولعان. ەر ادام قايىر سۇراۋعا ءماجبۇر بولعانىن ايتتى.
2023 جىلدىڭ باسىنان بەرى قازاقستاندا ادام ساۋداسىنا قاتىستى 65 قىلمىس تىركەلگەن.
