قۇرىلىسقا قاتىسۋ ايماقتا سونشالىقتى ءتيىمدى بولىپ وتىرعان جوق. ويتكەنى نەگىزىنەن بيۋدجەتتىك قاراجاتتى تەندەر ارقىلى ۇتىپ الۋ جولىمەن جۇرگىزىلەتىن جۇمىس قارجىلىق قيىنشىلىققا تاپ بولادى. جۇمىسكەرلەردىڭ جالاقىسىن تولەۋ, ماتەريالدار ساتىپ الۋدا ماسەلەلەر تۋىندايدى. بۇل ساپاعا دا سالقىنىن تيگىزەدى. تەك تۇرعىن ءۇي قۇرىلىسىنا عانا ەمەس, رەسپۋبليكالىق جانە جەرگىلىكتى جولداردى جوندەۋ بارىسىندا دا بايقالاتىن مۇنداي ماسەلەنى شەشۋ كەرەك.
تىعىرىقتان شىعۋدىڭ ءبىر جولى رەتىندە ت.ەرعاليەۆ بالامالى باعدارلاما رەتىندە وڭىرلەرگە ارنايى 2% يپوتەكالىق باعدارلامانى ىسكە قوسۋ قاجەتتىگىنە توقتالدى.
– مۇنداي باعدارلاما وڭىرگە جاڭا تۇرعىنداردى تارتۋعا جانە جاڭا وبلىستىڭ قۇرىلىس سالاسىن جانداندىرۋعا مۇمكىندىك بەرەدى, – دەدى ول. جيىن بارىسىندا قازاقستان قۇرىلىسشىلار وداعى ۇلىتاۋ وبلىستىق فيليالىنىڭ ديرەكتورى بولىپ دۋمان جامانوۆ سايلاندى.
ۇلىتاۋ وبلىسى
