جەرلەستەرىمىز جارتىلاي فينالدا گونكونگ رەگبيشىلەرىنەن 27:23 ەسەبىمەن باسىم ءتۇسىپ, فينالعا جولداما العان-دى. بىراق باس جۇلدە ءۇشىن وتكەن باسەكەدە كۇنشىعىس ەلى وكىلدەرىنىڭ قارقىنىنا توتەپ بەرە المادى – 72:0. 2006 جىلدان بەرى ۇيىمداستىرىلىپ كەلە جاتقان رەگبيدەن ايەلدەر اراسىنداعى سارى قۇرلىق باسەكەسىندە قازاقستان قۇراماسى 5 مارتە توپ جارعان بولسا, جاپونيا قۇراماسى كەشەگى جەڭىسىنىڭ ارقاسىندا وتانداستارىمىزبەن تەڭەسىپ الدى. ال قىتاي مەن گونكونگ رەگبيشىلەرى ءبىر-ءبىر مارتە التىن تۇعىردان كورىنگەن.
وليمپيادا باعدارلاماسىنا كىرمەيتىن رەگبيدىڭ بۇل تۇرىندە (15 ادام وينايتىن) ءار كوماندادا 26 سپورتشىدان بولادى. ءار تايم (2) 40 مينۋتقا سوزىلادى. اننا ياكوۆلەۆا باپتايتىن ەلىمىزدىڭ رەگبيشىلەرى قازىرگى تاڭدا الەم رەيتينگتە 19-ورىندا تۇر.
