جاستار اراسىنداعى دوپ دوداسىنىڭ 1/8 فينالىنا شىققان 16 قۇرامانىڭ ىشىندە وڭتۇستىكتەگى كورشىمىز – وزبەكستان فۋتبولشىلارى دا بار. ا توبىندا باق سىناعان الا تاقيالى اعايىنداردىڭ ورەندەرى العاشقى تۋردا ارگەنتينادان 2:1 ەسەبىمەن جەڭىلسە دە, كەيىنگى ويىنداردا جاڭا زەلانديامەن تەڭ ويناپ (2:2), سوڭعى تۋردا گۆاتەمالانى جەڭدى – 2:0. وسىلايشا, ءۇش ويىندا ءتورت ۇپاي جيناعان وزبەكستاننىڭ جاستار قۇراماسى تۋرنير كەستەسىندە ارگەنتينادان (9 ۇپاي) كەيىنگى ەكىنشى ورىنعا جايعاسىپ, پلەي-وفف كەزەڭىنە تىكەلەي جولداما الدى.
ەندى ولار 1/8 فينالدا س توبىندا ەكىنشى ورىن العان يزرايل قۇراماسىمەن كەزدەسەدى. سونىمەن قاتار 1/8 فينالدا اقش – جاڭا زەلانديا, گامبيا – ۋرۋگۆاي, برازيليا – تۋنيس, كولۋمبيا – سلوۆاكيا, انگليا – يتاليا, ەكۆادور – وڭتۇستىك كورەيا جانە ارگەنتينا – نيگەريا قۇرامالارى وينايدى.
