استانادا «ديالوگ ارقىلى سىن-قاتەرلەردى ەڭسەرۋ: ىنتىماقتاستىق, دامۋ جانە پروگرەسس جولىندا» تاقىرىبىندا فورۋم وتەدى.
حالىقارالىق ءىس-شارا اسا ماڭىزدى جاھاندىق ماسەلەلەردى شەشۋگە باعىتتالعان. فورۋمعا قاتىسۋشىلار بۇگىنگى الەمدىك احۋال, گەوساياسي شيەلەنىستىڭ ارتۋى جانە مەملەكەتارالىق ىنتىماقتاستىقتىڭ ءداستۇرلى ۇلگىلەرىنىڭ تۇبەگەيلى وزگەرۋىنە بايلانىستى بۇرىن-سوڭدى بولماعان سىن-قاتەرلەرگە جاۋاپ ىزدەيدى.
فورۋمعا مەملەكەتتەر مەن ۇكىمەتتەر باسشىلارى, حالىقارالىق ۇيىمدار, ءىرى كومپانيالار, ساياسي قايراتكەرلەر مەن ساراپشى توپتىڭ وكىلدەرى – 300-دەن استام شەتەلدىك دەلەگاتتار, ولاردىڭ ىشىندە حۆق, دسۇ, ادب, ەقدب, ەقىۇ, يۋنەسكو, شىۇ باسشىلارى, ەقىۇ پا توراعاسى, ەىدۇ جانە اقش ساۋدا ميسسياسىنىڭ وكىلدەرى, كەڭەس مۇشەلەرى جانە شەتەلدىك ينۆەستورلار قاتىسادى دەپ جوسپارلانۋدا.
فورۋمعا 1000-نان استام شەتەلدىك قوناقتار كەلەدى.
جيىندا سىرتقى ساياسات جانە حالىقارالىق قاۋىپسىزدىك, حالىقارالىق دامۋ جانە تۇراقتىلىق, ەنەرگەتيكا جانە كليماتتىڭ وزگەرۋى, ەكونوميكا جانە قارجى ماسەلەلەرى تالقىلانادى.
40-تان استام پانەلدىك سەسسيا, بەيرەسمي پىكىرتالاس جانە مازمۇندى جيىندار وتەدى. فورۋمنىڭ ستراتەگيالىق سەرىكتەستەرى – بۇۇ جانە CNN.
قر ۇكىمەتى ۇيىمداستىرعان فورۋم كونگرەسس-ورتالىقتا (EXPO) وتەدى.
