سوت قاۋلىسىمەن تاكسي جۇرگىزۋشىسى اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ, قايتالاپ قۇقىق بۇزۋشىلىقتاردىڭ الدىن الۋ ماقساتىندا بەس تاۋلىككە اكىمشىلىك قاماققا الۋ تۋرالى شەشىم قابىلداندى. سوت ۇكىمى زاڭدى كۇشىنە ەنگەن جوق.
ەر ادام بۇرىن وسى باپتىڭ 2-بولىگى بويىنشا اكىمشىلىك جاۋاپكەرشىلىككە تارتىلعان. ول قازاقستان رەسپۋبليكاسى اقبتك-ءنىڭ 440-بابىمەن 2023 جىلعى 21 مامىردا الماتى حالىقارالىق اۋەجايىنىڭ اۋماعىندا قوعامدىق ءتارتىپتى بۇزىپ, ءۇندىستان ازاماتىن تاسىمالداۋ قىزمەتىن كورسەتۋ ءۇشىن تاباندىلىق تانىتقان.
سوت وتىرىسىندا كىنالى دەپ تانىلعان ازامات جاساعان قۇقىق بۇزۋشىلىعىنىڭ ءمان-جايىن راستاپ, ءوز كىناسىن مويىنداپ, جاساعان ارەكەتىنە وكىنگەنىن جەتكىزدى.
2023 جىلدىڭ 24 مامىرىندا الماتىدا ءۇندىستان ازاماتتارىن وزىنە 800 دوللار بەرۋگە ماجبۇرلەگەن تاكسي جۇرگىزۋشىسى قىلمىستىق جاۋاپكەرشىلىككە تارتىلعانى بەلگىلى بولدى.
21 مامىردا الماتىلىق جەكە جۇرگىزۋشى كولىگىنە ءۇندىستاننان كەلگەن تۋريستەردى تيەپ العان. ولاردى الماتى حالىقارالىق اۋەجايىنان قوناقۇيگە مىڭ تەڭگەگە جەتكىزىپ بەرەمىن دەپ ۋادە ەتكەن. الايدا سول جەردە تاكسي جۇرگىزۋشىسى جولاۋشىلاردان 1180 دوللار تالاپ ەتە باستاعان. ناتيجەسىندە تۋريستەر وعان 800 دوللار بەرۋگە ءماجبۇر بولدى.
