1987 جىلى ەنگەلينا عابيتقىزى مۋزەيگە جازۋشىنىڭ وسى شىنجىر باۋلى قالتا ساعاتىن تارتۋ ەتتى. چەليابى ساعات جاساۋ زاۋىتىنان شىققان. ماركاسى «مولنيا». زاۋىت 1947 جىلدىڭ 17 قاراشاسىنان باستاپ 2007 جىلعا دەيىن وسى ماركالى قالتا ساعاتتارىن شىعارعان. جازۋشىعا ساعاتتى 1982 جىلى 80 جىلدىعىنا سىيعا بەرگەن. تەمىردەن ءورىلىپ جاسالعان شىنجىرلى باۋى, اشىلىپ-جابىلمالى قاقپاعى بار. قاقپاقتىڭ الدىڭعى بەتىندە ساڭىراۋ قۇر مەن شىرشا, ال ەكىنشى بەتىندە وسىمدىك بەينەسى سالىنعان. ساعات پەن مينۋت كورسەتەتىن تىلدەرى بار. سەكۋند كورسەتەتىن ءتىلى ساعات بەتىنىڭ سول جاعىندا ورنالاسقان. ۋاقىت بىرلىكتەرى اراب ساندارىمەن كورسەتىلگەن. ديامەترى 4,6 مم, قالىڭدىعى 1,65 مم. شىنجىرلى باۋىنىڭ ۇزىندىعى 32 سم. عابەڭنىڭ سوڭعى ۇستاعان ساعاتى بۇل كۇندە قۇندى جادىگەر رەتىندە مۋزەي ەكسپوزيتسياسىنا قويىلىپ, كوپشىلىك نازارىنا ۇسىنىلعان.
راشيدا وتاروۆا,
س.مۇقانوۆ پەن ع.مۇسىرەپوۆتىڭ ادەبي-مەموريالدىق
مۋزەي كەشەنىنىڭ عىلىمي قىزمەتكەرى
