«بۇل اسەم جانۋارلار – ءبىزدىڭ پاركتىڭ ماقتانىشى. ەكى اياقتى «قاسقىرلار» مەن اڭنىڭ قاسقىرىنان قورعاماساق, تابيعاتتىڭ وسى قىمبات سىيىنان ايىرىلىپ قالۋىمىز وپ-وڭاي. سول ءۇشىن قورىقشىلار بۇعىلاردى قىسى-جازى سىرتىنان باقىلاپ, كۇزەتىپ جۇرەدى, ساناق جۇرگىزەدى.
ارقانىڭ قىسى قاتال ەكەنىن بىلەسىزدەر. ورمان شارۋاشىلىقتارىنىڭ ءار جەرىندە جەرگىلىكتى اڭ-قۇستار ءۇشىن جۇزدەن استام ناۋا قويىلعان. قىس بويى قورىقشىلار سول ناۋاعا جەمشوپ پەن تۇز سالىپ تۇرادى. بۇعى-مارالدار دا ۇيرەنىپ العان, ناۋا قويىلعان جەرلەردىڭ توڭىرەگىندە جايىلادى», دەدى «بۋراباي» مۇتپ باس اڭتانۋشى مامانى ميرات بەيسەمباەۆ.
اسكانيا بۇعىلارى ۋكرايناداعى اسكانيا-نوۆا قورىعىندا قىرىم, كاۆكاز جانە ۆاپيتي بۇعىلارىن بۋدانداستىرۋ ارقىلى شىققان ەرەكشە تۇقىم ەكەنىن ايتا كەتەيىك.
1938-1972 جىلدارى قازاقستاننىڭ جانۋارلار الەمىن بايىتا ءتۇسۋ ءۇشىن وزگە ەلدەردەن بىرقاتار اڭ-قۇس اكەلىنگەن بولاتىن. اسكانيا بۇعىسى دا ءبىزدىڭ وڭىرگە ۋكارينادان سول جىلدارى اكەلىندى.
اتاپ ايتقاندا, 1963-1966 جىلدارى ازوۆ-سيۆاش قورىعىنان – 58 باس, 1984 جىلى – «اسكانيا-نوۆادان» تاعى 2 باس بۇعى كەلدى. كوكشە ءوڭىرىن جەرسىنگەن سول 60 بۇعى بۇگىندە 1512 باسقا جەتىپ وتىر.
