«جىل سايىن حالىقارالىق ترانزيت اعىنى ءوسىپ كەلەدى. جاز ايلارىندا ەلىمىزگە وزدەرىنىڭ كولىگىمەن ساپارلاپ كەلەتىن شەتەل ازاماتتارى كوبەيەدى. ەل ازاماتتارى دا باسقا وڭىرلەرگە دەمالۋعا بارادى. بۇل تۇرعىدا جولداعى اپات كۇرت ءوسۋى مۇمكىن. جولداعى اپات سانىن تەك پوليتسيا كۇشىمەن ازايتۋ مۇمكىن ەمەس», دەدى يگور لەپەحا.
ونىڭ ايتۋىنشا, ەلىمىزدىڭ اۋقىمدى اۋماعىن ەسكەرە وتىرىپ, پوليتسەيلەر ءپاترۋلىن ءار جولدىڭ بويىندا ءجيى قويۋ مۇمكىن ەمەس.
«قازىر پوليتسەيلەردىڭ ءبىراز فۋنكتسيالارى قىسقارعان. بۇل تۇرعىدا پوليتسيا قىزمەتكەرلەرىنە كولىكتى سەبەپسىز توقتاتۋعا تىيىم سالعانبىز. جول ەرەجەسىن بۇزعان جاعدايدا عانا توقتاتادى. سوندىقتان جولداعى كولىك قوزعالىسىن قاداعالاۋدىڭ بارلىق پروتسەسىن تسيفرلاندىرۋ اياسىندا ءتيىستى وڭتايلى شەشىمدەر بولۋى كەرەك. اتاپ ايتقاندا, وسىعان دەيىن بۇل سالادا ءبىراز وڭ قادامدار جاسالدى. قازىرگى كەزدە وبلىس ورتالىقتارىندا جولداعى ەرەجە بۇزۋ دەرەكتەرىنىڭ جارتىسىنان كوبى اۆتوماتتى تىركەۋ قۇرالدارى ارقىلى انىقتالىپ جاتىر», دەدى يگور لەپەحا.
