جاڭا جەيدەمەن – جەتىستىككە

ىرگەتاسى 1988 جىلى قالانعان «Errea Sport» برەندىمەن بىلتىر ۋەفا كەلىسىمشارتقا وتىرىپ، ۇلت­تىق قۇرا­مالاردىڭ جاڭا جەيدەسىن دايىن­داۋعا ۋاعدالاسقان ەدى. سول كەلىسىم اياسىندا اتالعان كومپانيا بۇگىنگە دەيىن كيپر، بەلارۋس، ليۋكسەمبۋرگ، ليحتەنشتەين، مالتا، اندوررا، فارەر ارالدارى جانە سان-مارينو سياقتى ۇلتتىق قۇرامالارعا جاڭا جەيدە دايىنداپ بەرگەن بولاتىن.

قفف مەن ۋەفا ۇلتتىق قۇراما­لاردىڭ جاڭا فۋتبول جەيدەسىن دايىنداۋ مەن قامتاماسىز ەتۋ جونىندەگى كەلىسىم بويىنشا ەندى «Errea Sport» قازاقستان ۇلتتىق قۇراماسىنىڭ جاڭا سەرىكتەسى اتانىپ وتىر. بۇعان دەيىن ءبىزدىڭ ۇلتتىق قۇراما فۋتبولشىلارى جاسىل الاڭدا «Adidas» برەندى ۇسىنعان جەيدەمەن ونەر كورسەتىپ كەلگەن-ءدى.

ءبىر ايتا كەتەرلىگى، بۇعان دەيىن قازاق­ستان فۋتبول فەدەراتسياسى جەيدە جەت­كىزۋمەن اينالىساتىن سپورتتىق ۇيىم­داردىڭ تەك وزدەرى ۇسىنعان ءونىمىن عانا پايدالانىپ كەلگەن بولسا، «Errea Sport» كومپانياسىنا ۇلتتىق قۇرامانىڭ جاڭا جەيدەسىنىڭ ديزاينىن دايىنداۋدا وتاندىق «Creon» كومپانياسى كومەكتەسىپ، جەيدەنىڭ قازاقى ناقىشتا جاسالۋىنا سەپتىگىن تيگىزگەن. ياعني جەيدە موتيۆتەرىنەن قازاقى ويۋ-ورنەكتەردى كەزدەستىرۋگە بولادى. «Errea Sport» كومپانياسى ۇلتتىق قۇراماعا ءۇش ويىن جەيدەسىن ۇسىندى. ولار: ۇيدەگى (سارى ءتۇس)، قوناقتاعى (كوك) جانە قوسىمشا (قارا).

قازاقستان ۇلتتىق قۇراماسى جاڭا جەيدەمەن العاشقى ويىندارىن ماۋسىم ايىندا سان-مارينو جانە سولتۇستىك يرلانديامەن وتكىزەدى.