25 مامىردا Instagram-دا جاريالانعان ۆيدەو سيپاتتاماسىندا بۇل: «تالدىقورعان - قوناەۆ تاس جولى ماڭىنداعى ارقارلى اسۋى مەن شەڭگەلدى ەلدى مەكەنى ارالىعىنداعى سۇلۋ دالا» ەكەنى جازىلعان.
بۇل ۆيدەوعا پىكىر قالدىرۋشىلار جۇرگىزۋشىنىڭ وسپادار ارەكەتىنە نارازى بولدى:
«مىنە, وسىندايلاردىڭ كەسىرىنەن ءبىزدىڭ ەلىمىز ءالى 500 جىل بۇككەن تىزەسىن تىكتەي المايدى»,«ادامدار قورشاعان ورتاعا دەگەن وسىنداي تۇتىنۋشىلىق كوزقاراسىن قاشان قويادى», «بۇل جابايىلىق ءۇشىن 1 000 000 تەڭگە ايىپپۇل سالۋ كەرەك! سودان كەيىن ول كەلەسى جولى ويلاناتىن بولادى», «نەلىكتەن ءبىزدىڭ ادامدار ۇنەمى ءبارىن بۇزۋعا دايىن تۇرادى؟», «3 جىلعا كولىك جۇرگىزۋ قۇقىعىنان ايىرۋ كەرەك», دەپ ويلارىن ورتاعا سالدى.
جەتىسۋ وبلىسىنىڭ پوليتسياسى جەلىدەگى ۆيدەونى تەكسەرىپ, BMW يەسى كەربۇلاق اۋدانىنىڭ 34 جاستاعى تۇرعىنى ەكەنىن انىقتادى.
«جۇرگىزۋشىنىڭ ءىس-ارەكەتى قر اقبتك-ءنىڭ 386-بابىندا كوزدەلگەن بۇزۋشىلىق (جاسىل جەلەكتەردى ۇستاۋ جانە قورعاۋ ەرەجەلەرىن بۇزۋ) ورىن العانى بايقالادى. بەلگىلى بولعانداي, قازىرگى ۋاقىتتا ەر ادام جۇمىس ساپارىندا, قايتىپ ورالعاننان كەيىن ول قولدانىستاعى اكىمشىلىك زاڭناماعا سايكەس جاۋاپقا تارتىلادى», دەپ ءتۇسىندىردى جەتىسۋ وبلىسى پد ءباسپاسوز قىزمەتى.
