باستاپقى كەزەڭدە ءورتتى جويۋ ءۇشىن ورتالىق مەملەكەتتىك جانە جەرگىلىكتى اتقارۋشى ورگانداردىڭ وكىلدەرىنەن, 434 ادامنان, 109 بىرلىك تەحنيكا, 2 اۋە كەمەسى جانە 1 ءورت ءسوندىرۋ پوەزىنان تۇراتىن ازاماتتىق قورعاۋدىڭ مەملەكەتتىك جۇيەسىنىڭ كۇشتەرى مەن قۇرالدارى توپتاماسى قۇرىلدى.
«جەدەل جاعدايدىڭ ناشارلاۋىنا بايلانىستى, ءسىزدىڭ تاپسىرماڭىز بويىنشا ءاليحان اسحان ۇلى كەشە رومان ۆاسيلەۆيچتىڭ توراعالىعىمەن رەسپۋبليكالىق جەدەل شتابتىڭ وتىرىسى ءوتتى. وندا مەملەكەتتىك ورگاندارعا ءتيىستى مىندەتتەر قويىلدى. ەكولوگيا مينيسترلىگىنە ءورت ءسوندىرۋ جەتەكشىسى رەتىندە كومەكتەسۋ ءۇشىن توتەنشە جاعدايلار جانە قورعانىس مينيسترلىكتەرىنىڭ كۇشتەرى مەن قۇرالدارى قوسىمشا جىبەرىلدى. وسىلايشا بۇگىندە ءورتتى سوندىرۋگە توتەنشە جاعدايلار, ىشكى ىستەر, ەكولوگيا جانە تابيعي رەسۋرستار مينيسترلىكتەرى, قازاقستان تەمىر جولى, جەرگىلىكتى اتقارۋشى ورگاندار جانە وبلىستىڭ كوممۋنالدىق قىزمەتتەرىنىڭ كۇشتەرى مەن قۇرالدارى جۇمىلدىرىلدى. 10 تىكۇشاق جۇمىلدىرىلدى, ونىڭ ىشىندە 5-ءى – تجم, 3-ءى – قم, 2 بىرلىك ەترم, ءاليحان اسحان ۇلى 4 اۋە كەمەسى بۇگىن تاڭەرتەڭ ءسىزدىڭ تاپسىرماڭىز بويىنشا ءورت ورنىنا كەلدى», دەدى توتەنشە جاعدايلار ءبىرىنشى ۆيتسە-ءمينيسترى يبراگيم كۇلشىمباەۆ.
10 تىكۇشاقتىڭ 8-ءى سۋ اعىزۋ, ەكەۋى بارلاۋ جانە دەسانتتاردى جەتكىزۋ ءۇشىن قولدانىلادى. «جاعداي باقىلاۋدا. ءورتتى وقشاۋلاۋ جانە جويۋ بويىنشا بارلىق شارا قابىلدانىپ جاتىر», دەدى ول.
