بۇگىنگە دەيىن شىمكەنت قالاسى بويىنشا ءموبيلدى قوسىمشا ارقىلى 1434 نەكە تىركەلگەن. بالانىڭ تۋ تۋرالى كۋالىگىن الۋعا 60 مىڭنان استام ءوتىنىم, جشس-ءنى تىركەۋگە 160-قا جۋىق ءوتىنىم بەرىلگەن. سونداي-اق زاڭدى تۇلعالار تۋرالى 3 مىڭعا جۋىق جانە جىلجىمايتىن م ۇلىك بويىنشا 200 مىڭعا جۋىق مالىمەتتەر بەرىلگەنى بەلگىلى بولدى.
سونىمەن قاتار ادىلەت ۆيتسە-ءمينيسترى ادىلەت ورگاندارى قىزمەتىنىڭ نەگىزگى باعىتتارى تۋرالى جانە قولدانىستاعى زاڭناما اياسىنداعى وزەكتى وزگەرىستەردى اتاپ ءوتتى. بەكبولات مولدابەكوۆ وتكەن جىلى زاڭنامالاردى وزگەرتۋ بويىنشا ەلەۋلى جۇمىستار جۇرگىزىلگەنىن اتاپ ءوتتى.
«ماسەلەن ساياسي پارتيالاردىڭ, قازاقستان حالقى اسسامبلەياسىنىڭ, جەرگىلىكتى مەملەكەتتىك باسقارۋ ورگاندارىنىڭ قىزمەتىن رەتتەيتىن زاڭدار وزگەرتىلدى. 2023 جىلعى 1 قاڭتاردان باستاپ ەلدە كونستيتۋتسيالىق سوت جۇمىس ىستەيدى. ەندى مەملەكەت باسشىسىنىڭ باستاماسىمەن ەلىمىزدىڭ بارلىق ازاماتتارى كونستيتۋتسيالىق سوتقا جۇگىنە الادى», دەدى ول.
