بۇگىنگى تاڭدا اۋەزوۆ اۋدانىندا مەديتسينالىق مەكەمەلەردىڭ جۇكتەمەسى وزەكتى بولىپ تۇر. كەزدەسۋ بارىسىندا جەرگىلىكتى تۇرعىندار مامانداردىڭ تاپشىلىعىنا شاعىمداندى.
مينيستر اتاپ وتكەندەي, ازاماتتاردى قاجەتتى دارىگەرلەرمەن جانە ساپالى مەديتسينالىق قىزمەتپەن قامتاماسىز ەتۋ ماسەلەلەرىنە ەرەكشە كوڭىل ءبولىنىپ جاتىر.
2022 جىلى «مامىر-5» شاعىن اۋدانىندا جاڭا وتباسىلىق-دارىگەرلىك امبۋلاتوريا سالۋعا رەسپۋبليكالىق بيۋدجەتتەن 670 ملن تەڭگە بولىنگەن ەدى. مۇندا ۋچاسكەلىك قىزمەت بولىمشەسى, پەدياترلارعا, گينەكولوگتارعا جانە تار بەيىندى ماماندارعا ارنالعان كابينەتتەر اشىلادى. ءتيىستى جابدىقتارمەن جابدىقتاۋ جوسپارلانىپ وتىر. ول ءبىر تاۋلىكتە 200 كەلۋشىگە ەسەپتەلگەن. بۇل جۇمىس ىستەپ تۇرعان اۋداندىق ەمحانانىڭ جۇكتەمەسىن ازايتۋعا مۇمكىندىك بەرەدى. قازىر جۇمىستاردىڭ 95%-ى اياقتالدى.
سونىمەن قاتار, ۇەم باسشىسى الماتى قالاسى بويىنشا تمرك دەپارتامەنتىنە باردى. جيىن بارىسىندا دەپارتامەنت جۇمىسىنىڭ نەگىزگى باعىتتارى تالقىلاندى. مينيستر تاريف بەلگىلەۋ ماسەلەلەرىن تۇراقتى باقىلاۋدا ۇستاۋدى, ء«تاريفتى ينۆەستيتسياعا ايىرباستاۋ» باعدارلاماسى شەڭبەرىندە تابيعي مونوپوليالار سۋبەكتىلەرىنەن وتىنىمدەردى جەدەلدەتۋدى جانە حالىقپەن كەرى بايلانىستى كۇشەيتۋدى تاپسىردى.
سونداي-اق ۆەدومستۆو باسشىسى «دامۋ» كاسىپكەرلىكتى دامىتۋ قورىنىڭ باس كەڭسەسىندە بولدى. ءا.قۋانتىروۆقا قوردىڭ اتقارعان جۇمىستارى تۋرالى مالىمەت بەرىلدى. وتكەن جىلى الماتى قالاسى بويىنشا «بيزنەستىڭ جول كارتاسى» شەڭبەرىندە 87,4 ملرد تەڭگە نەسيە سوماسىنا 1 703 جوبا سۋبسيديالاندى.
بۇدان بولەك, مينيستر️ Sadu Arena سپورت كەشەنىنە باردى. نىسان 6 مىڭ شارشى مەتردەن استام اۋماقتا ورنالاسقان, ول ءارتۇرلى سپورت تۇرلەرىنەن ءىرى جارىستار وتكىزۋگە ارنالعان. مۇندا سپورتشىلارعا تۇراقتى نەگىزدە قولداۋ كورسەتىلەدى. سپورت نىسانىنىڭ يەسى قايىرىمدىلىق تۋرنيرلەرىن, وقۋ-جاتتىعۋ جيىندارىن وتەۋسىز نەگىزدە ۇنەمى وتكىزەدى.
