استانا سوتىنىڭ ءباسپاسوز قىزمەتى حابارلاعانداي, ۇلتتىق قاۋىپسىزدىك كوميتەتىنىڭ بۇرىنعى توراعاسى ءماسىموۆ پەن باسقا ادامدارعا قاتىستى سوت ۇكىمى زاڭدى كۇشىنە ەنگەن جوق, اتالعان ءىس بويىنشا پروتسەسكە قاتىسۋشىلاردان اپەللياتسيالىق شاعىمدار ءتۇستى.
«بۇل ءىس «اسا قۇپيا» بەلگىسىمەن قارالعاندىقتان, باسقا مالىمەتتەر جاريا ەتۋگە جاتپايدى», دەلىنگەن سوت حابارلاماسىندا.
ەسكە سالا كەتەيىك, 24 ساۋىردە سوت قر ۇقك ەكس-توراعاسى كارىم ماسىموۆكە قاتىستى ۇكىم شىعاردى. ونىڭ مۇلكى تاركىلەنىپ, ءوزى 18 جىلعا سوتتالدى. ول سونداي-اق مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرىلدى.
ايتا كەتسەك, ءماسىموۆتىڭ ءۇش ورىنباسارىنا دا ۇكىم شىقتى. سادىقۇلوۆ 16 جىلعا, ەرعوجين 15 جىلعا, ءوسىپوۆ 3 جىلعا باس بوستاندىعىنان ايىرىلعان ەدى.
