رۋح كوتەرەر رامىزدەر

اقمولا وبلىسىنىڭ اكىمى, مەملەكەتتىك رامىزدەر جونىندەگى كوميسسيانىڭ توراعاسى سەرگەي دياچەنكو وتكىزگەن ماجىلىستە قازاقستان رەسپۋبليكاسىنىڭ مەملەكەتتىك رامىزدەرىن ناسيحاتتاۋ جانە قولدانۋ جونىندەگى مەملەكەتتىك ساياساتتىڭ جۇزەگە اسىرىلۋى بارىسى قارالدى. تۋ, ەلتاڭبا, ءانۇران – تاريح قويناۋلارىنان سىر تارتاتىن, ۇلتتىق ەرەكشەلىكتەرىمىزدى سيپاتتايتىن قىمبات بەلگىلەر. ول قوعام مۇشەلەرىن, جاستار قاۋىمىن وتانسۇيگىشتىككە, جاڭا جەڭىستەرگە جىگەرلەندىرەتىن جاسامپاز قۋاتقا يە. كوميسسيا مۇشەلەرىنەن بەس جۇمىس توبى قۇرىلىپ, اتقارىلىپ جاتقان جۇمىستاردىڭ تالاپقا ساي جۇرگىزىلۋىنە ۇيىتقى بولۋدا, دەدى كوميسسيا توراعاسى. مەملەكەتتىك رامىزدەر ستاندارتقا ساي اۋىستىرىلدى. بىلتىردان بەرى 1509 دانا تۋ, 1197 دانا ەلتاڭبا ساتىپ الىندى. رامىزدەردىڭ 181 ستەندىسى جابدىقتالدى. ماجىلىستە تسەلينوگراد, ارشالى اۋداندارى اكىمدەرىنىڭ ورىنباسارلارى بەرىك جانباەۆ پەن بەكەت اقشىنەەۆتىڭ ەسەپتەرى, وبلىستىق مادەنيەت باسقارماسى باستىعىنىڭ ورىنباسارى بازارباي كاكەنوۆتىڭ حابارلاماسى تىڭدالدى. اقمولا وبلىسى. باقبەرگەن امالبەك.