«سان-سيرو» ستاديونىنداعى قارىمتا ماتچتىڭ تاعدىرىن 74-مينۋتتا لاۋتارو مارتينەستىڭ جالعىز گولى شەشىپ كەتتى – 1:0. ەكى ويىننىڭ قورىتىندىسى بويىنشا قاقپاسىنا بىردە-ءبىر گول وتكىزبەي, قارسىلاستارىن 3:0 ەسەبىمەن تىزە بۇكتىرگەن «ينتەر» وسىلايشا اراعا 13 جىل سالىپ چەمپيوندار ليگاسىنىڭ فينالىنا شىعىپ وتىر.
ميلان قالاسىنىڭ كلۋبى سوڭعى رەت اتالعان ءتۋرنيردىڭ فينالىندا 2010 جىلى ويناپ, قوس قۇلاقتى كۋبوگكە يە بولعان ەدى. داڭقتى باپكەر جوزە موۋرينونىڭ جەتەكشىلىگىندەگى «ينتەر» سول جىلعى فينالدا «باۆاريادان» 2:0 ەسەبىمەن باسىم تۇسكەن-ءدى.
كەشەگى ەكىنشى جارتىلاي فينالدا «مانچەستەر سيتي» مەن «رەال» كلۋبتارى كەزدەستى. مادريدتەگى العاشقى ويىندا 1:1 ەسەبى تىركەلگەن بولاتىن.
