ۇلتتىق بانك 1, 2, 5 تەڭگەلىك مونەتالاردى تولەم قۇرالى رەتىندە قابىلداۋدان باس تارتۋ جاعدايلارى اياسىندا مالىمدەمە جاسادى.
«1, 2, 5, 10, 20, 50, 100 جانە 200 تەڭگە زاڭدى تولەم قۇرالى رەتىندە پايدالانىلادى. مونەتالار قازاقستان بويىنشا تولەمنىڭ بارلىق تۇرلەرى ءۇشىن, سونداي-اق بانكتىك شوتتارعا ەسەپتەۋگە جانە اۋدارۋعا مىندەتتى, ولاردى شەكتەۋسىز بارلىق بانكتەر جانە ۇلتتىق پوشتا وپەراتورى «قازپوچتا», ۇلتتىق بانك ايىرباستايدى», دەپ ءتۇسىندىردى ۇلتتىق بانك وكىلدەرى.
سونداي-اق ۇلتتىق ۆاليۋتانىڭ بانكنوتتارى مەن مونەتالارىن نومينالدى قۇنى بويىنشا قابىلداۋدان باس تارتقاندار اقبتك-ءنىڭ 206-بابى بويىنشا اكىمشىلىك جاۋاپكەرشىلىككە تارتىلادى.
