الەۋمەتتىك جەلىدە مەكتەپ وقۋشىسىنىڭ ەكسترەمال ارەكەتى تۇسىرىلگەن ۆيدەو تاراپ كەتتى. وندا ورتا مەكتەپ وقۋشىسىنىڭ جولدا ءوتىپ بارا جاتقان كولىكتەردىڭ الدىنا سەكىرىپ ويناعانى كورسەتىلگەن. ۆيدەودا بالا كولىك ءجۇرىپ جاتقان جولعا سەكىرىپ, جۇك كولىگىنىڭ الدىنا شىعادى دا, سوڭعى ساتتە قايتا جول جيەگىنە سەكىرەدى. بۇل ارەكەتىن بىرنەشە رەت قايتالايدى.
الماتى وبلىسى پوليتسيا دەپارتامەنتىنىڭ پوليتسەيلەرى وقۋشىنىڭ جەكە باسىن انىقتاعان. ول كازتسيك اۋىلىنداعى №6 مەكتەپتىڭ وقۋشىسى بولىپ شىقتى.
«2010 جىلى تۋعان كامەلەتكە تولماعان بالامەن پروفيلاكتيكالىق اڭگىمە جۇرگىزىلدى. كامەلەتكە تولماعان بالانىڭ اتا-اناسىنا قر اقبتك-ءنىڭ 127-بابى «تاربيە جانە وقىتۋ جونىندەگى مىندەتتەردى ورىنداماۋ» بويىنشا اكىمشىلىك حاتتاما تولتىرىلدى. كامەلەتتىك جاسقا تولماعانداردىڭ قۇقىقتارى مەن مۇددەلەرىن قورعاڭىزدار», دەدى پوليتسيا قىزمەتكەرى.
ءتارتىپ ساقشىلارى اتا-انا بالاسىنىڭ تاربيەسىنە جاۋاپتى بولۋىن, ونىڭ ىشىندە جولدا ءجۇرۋ ەرەجەلەرىن ۇيرەتۋگە مىندەتتى ەكەنىن ەسكەرتتى.
