سپورتتى دامىتۋ ديرەكتسياسىنىڭ مالىمەتى بويىنشا, جارىستىڭ سوڭعى كۇنىندە سەرگەي ەمەليانوۆ پەن رۋفينا يسكاكوۆا (C2 mix) جۇپتىق سىندا 500 مەترگە جارىسىپ, مارەگە ءبىرىنشى بولىپ جەتتى. وتاندىق جۇپ كانوەدە بۇل قاشىقتىقتى 1:51.97 سەكۋندتا ءجۇزىپ ءوتتى. كەيىنگى ورىنداردى پولشا مەن ماجارستان قۇراماسىنىڭ سپورتشىلارى يەلەندى. جۇپتىق سىننىڭ فينالىندا تاعى ءبىر جەرلەستەرىمىز ونەر كورسەتىپ, جۇلدەگە سىنىق سۇيەم جەتپەي, 4-ساتىدا قالىپ قويدى. تيموفەي ەمەليانوۆ پەن مارگاريتا تورلوپوۆا فينالدا 1:53.62 سەكۋند ناتيجە كورسەتتى.
وسىنىڭ الدىندا ماريا بروۆكوۆا 1000 مەترگە جارىستا الدىنا جان سالماعان ەدى. وسىلايشا, قازاقستان قۇراماسى الەم كۋبوگىندە 2 التىن مەدال ولجالاپ, جالپىكوماندالىق ەسەپتە 8-ورىن الدى.
