2023 جىلعى بوكستان الەم چەمپيوناتىندا قازاقستان وكىلدەرى ءتورت التىن جانە ءبىر كۇمىس مەدال جەڭىپ الدى. سانجار تاشكەنباي (48 كەلى), ماحمۇد سابىرحان (54 كەلى), اسلانبەك شىمبەرگەنوۆ (71 كەلى) جانە نۇربەك ورالباي (80 كەلى) التىن السا, دۋلات بەكباۋوۆقا (67 كەلى) كۇمىس بۇيىردى.
«بوكسشىلارىمىز جوعارى دەڭگەيدە ونەر كورسەتتى. ونىڭ ءبارى ەڭبەك. ەڭبەك ءبارىن جەڭبەك دەگەن ءسوز بار. سول ۇستانىممەن ءبىز ەڭبەك ەتتىك. سونىڭ ارقاسىندا وسىنداي ۇلكەن جەتىستىككە جەتتىك. سونىمەن قاتار رينگتە جەڭىسكە جەتۋدىڭ باستى كىلتى - سپورتشىلارىمىزدىڭ ءتارتىبى مەن ەڭبەكقورلىعى بولدى دەپ ويلايمىن», دەدى قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆ.
بۇعان دەيىن قازاقستاندىق بوكسشى گەننادي گولوۆكين سپورتشىلارمىزدى تاشكەنتتە وتكەن بوكستان الەم چەمپيوناتىنداعى تاماشا ناتيجەسىمەن قۇتتىقتاعان ەدى.
