ساراپشىلار الاڭىندا GovTech سالاسىنداعى الەمنىڭ جەتەكشى زەرتتەۋشىلەرى, نوۆاتورلارى مەن پراكتيكتەرى تۇراقتى جانە ادىلەتتى كەلەشەك ءۇشىن يدەيا الماسىپ, مەملەكەتتىك سەكتوردا تسيفرلى ترانسفورماتسيا قالىپتاستىرۋ ماقساتىندا جينالدى.
جيىنعا استانا مەملەكەتتىك قىزمەت حابى باسقارۋشى كوميتەت توراعاسى ءاليحان بايمەنوۆ قاتىستى.
«بۇل ىستە ۇكىمەت پەن جەكە كومپانيالاردىڭ ارىپتەستىك ورناتۋى ماڭىزدى. سەبەبى, زەرتتەۋلەر قازىرگى تاڭدا جەكە كومپانيالار تەحنولوگيالارىنا سەنىم, ورتاشا العاندا, ۇكىمەتتىك قۇرالدارعا قاراعاندا جوعارى ەكەندىگىن كورسەتكەن», دەدى ءاليحان بايمەنوۆ.
ول سونىمەن بىرگە استانا مەملەكەتتىك قىزمەت حابىنا دۇنيەجۇزىلىك بانكتىڭ جاھاندىق ارىپتەسى اتانۋى ۇلكەن قۇرمەت ەكەنىن جەتكىزدى.
ساپار بارىسىندا ءاليحان بايمەنوۆ پەن قر پرەزيدەنتى اكىمشىلىگى مەملەكەتتىك باسقارۋ ءبولىمى جەتەكشىسى ءالتايىر احمەتوۆ اقش كادر قىزمەتى كەڭسەسى (ورم) جوعارعى جەتەكشىلەرى - روب شرايۆەر, مارك لامبەرت جانە باسقا قىزمەتكەرلەرمەن كەزدەستى. OPM وكىلدەرى امەريكالىق مەملەكەتتىك قىزمەت جۇيەسى ەرەكشەلىكتەرىن,ونىڭ ىشىندە كادرلاردى ىرىكتەۋ مەن باعالاۋ ۇدەرىسى جايلى باياندادى. وعان قوسا ولار جوعارعى مەملەكەتتىك قىزمەت (Senior Exeسutive Service - قازاقستانداعى «ا» كورپۋسى بالاماسى) جۇمىسىنا توقتالدى. تاراپتار ىنتىماقتاستىقتى ءارى قاراي دامىتۋ جولدارىن, ونىڭ ىشىندە قازاقستان مەن ايماق ەلدەرى مەملەكەتتىك قىزمەتشىلەرى بىلىكتىلىكتەرىن ارتتىرۋ باعدارلامالارى تۋرالى پىكىر الماستى.
