وتانداستارىمىز بۇعان دەيىن 15 ساۋىردە اقش-تا رينگكە كوتەرىلگەن بولسا, كۇنى كەشە مەكسيكانىڭ گۆادالاحارا قالاسىندا ۇيىمداستىرىلعان بوكس كەشىندە دە شارشى الاڭعا شىعىپ, ءوز مىقتىلىقتارىن تاعى ءبىر مارتە دالەلدەدى. جەرگىلىكتى بوكسشى ساۋل «كانەلو» الۆارەس پەن بريتانيالىق دجون رايدەر اراسىنداعى بوكس كەشىنىڭ اندەركاردىندا ونەر كورسەتكەن بەك نۇرماعانبەت ۆەنەسۋەلا وكىلى ارحەنيس ەسپانيانى (15-1, 14 كو) ەكىنشى راۋندتا سۇلاتىپ سالسا, ءابىلحان امانقۇل دا مەكسيكالىق بوكسشى فابيان ريوس فراۋستونى (7-6-3, 4 كو) ەكىنشى ءۇش مينۋتتىقتا نوكاۋتقا ءتۇسىردى. ءبىر قىزىعى, ەكى جەكپە-جەك تە ەكىنشى ورتاشا سالماق دارەجەسىندە ءوتىپ, 8 راۋندقا جوسپارلانعان بولاتىن.
بۇل – 25 جاستاعى بەك نۇرعامانبەتتىڭ كاسىپقوي بوكستاعى ونىنشى جەكپە-جەگى جانە ونىنشى جەڭىسى بولسا, ءابىلحان امانقۇل كاسىبي رينگتە ءتورتىنشى جەڭىسىنە قول جەتكىزدى.
