بۇل پەرۋدەگى سوڭعى ونجىلدىقتارداعى ەڭ اۋىر شاحتا اپاتى بولدى.
Yanaquihua تاۋ-كەن كومپانياسىنىڭ حابارلاۋىنشا, 175 كەنشى قۇتقارىلعان.
ءورتتىڭ سەبەبى ەلەكتر جەلىسىنىڭ تۇيىقتالىپ قولۋى دەپ بولجانۋدا. جەرگىلىكتى اكىمدىكتىڭ ايتۋىنشا, كەنشىلەر ءورت شىققان كەزدە شامامەن 100 مەتر تەرەڭدىكتە جۇمىس ىستەگەن.
جەرگىلىكتى باق جاريالاعان سۋرەتتەردە تاۋ بوكتەرىنەن شىققان جالىن مەن ءتۇتىن انىق كورىنەدى.
پەرۋ جاڭالىقتار سايتىنىڭ حابارلاۋىنشا, ءورتتىڭ ءورشىپ كەتۋىنە شاحتاداعى تۋننەلدىڭ اعاش تىرەكتەرى اسەر ەتكەن. ويتكەنى ولاردىڭ كوبى مۇنايعا مالىنعان.
وقيعاعا قاتىستى شۇعىل تەرگەۋ باستالدى.
پەرۋ الەمدەگى ەڭ ءىرى التىن وندىرۋشىلەردىڭ ءبىرى. جىلىنا 100 توننادان استام التىن وندىرەدى نەمەسە الەمدەگى بارلىق جىلدىق قوردىڭ شامامەن 4 پايىزىن قۇرايدى.
