33-تۋردىڭ ورتالىق ويىنىندا «ناپولي» سىرت الاڭدا جەرگىلىكتى «ۋدينەزە» كلۋبىمەن تەڭ ويناپ (1:1), يتاليا «ا» سەرياسىندا مەرزىمىنەن بۇرىن چەمپيون اتاندى. تۋرنير كەستەسىندە ەكىنشى ورىندا كەلە جاتقان «لاتسيو» (64) قالعان بەس تۋردىڭ بارلىعىندا جەڭىسكە جەتسە دە, ەندى «ناپوليگە» جەتە المايدى.
وسىلايشا, نەاپولدىقتار 33 جىلدىق ۇزىلىستەن كەيىن العاش رەت يتاليا چەمپيوندىعىنا قول جەتكىزىپ وتىر. بۇل – ولاردىڭ ءۇشىنشى سكۋدەتتوسى. «ناپولي» بۇعان دەيىن 1987 جانە 1990 جىلدارى فۋتبول اڭىزى ديەگو مارادونانىڭ كەزەڭىندە باس جۇلدەنى يەلەنگەن بولاتىن. ءبىر ايتا كەتەرلىگى, ء«ناپوليدىڭ» 64 جاستاعى باس جاتتىقتىرۋشىسى لۋچانو سپالەتتي باپكەرلىك كارەراسىندا العاش رەت يتاليا چەمپيونى اتاندى.
