«قازگيدرومەت» رمك ۇسىنعان مالىمەتكە قاراعاندا, اۋقىمدى انتيتسيكلون رەسپۋبليكانىڭ باسىم بولىگىندە جاۋىن-شاشىنسىز اۋا رايىن ساقتايدى.
«رەسپۋبليكانىڭ باتىسىندا, وڭتۇستىك-باتىسىندا جانە وڭتۇستىگىندە كۇن كۇركىرەپ, جاڭبىر جاۋادى. رەسپۋبليكا بويىنشا جەل كۇشەيىپ, وڭتۇستىكتە, وڭتۇستىك-شىعىستا, سولتۇستىك باتىستا شاڭدى داۋىل تۇرادى, باتىستا, وڭتۇستىك-باتىستا تۇمان تۇسەدى», دەدى سينوپتيكتەر.
تۇندە سولتۇستىك قازاقستان وبلىسىنىڭ وڭتۇستىك-باتىسىندا 2°س بولادى. ۇلىتاۋ وبلىسىنىڭ شىعىسىندا, اقتوبە وبلىسىنىڭ سولتۇستىگىندە, قوستاناي وبلىسىنىڭ وڭتۇستىگىندە توپىراق بەتىندە -1-3°س ۇسىك جۇرەدى.
تاڭەرتەڭ جانە كۇندىز جامبىل وبلىسىنىڭ سولتۇستىك-شىعىسىندا جەل كۇشەيىپ, ەكپىنى 30 م/س جانە ودان دا جوعارى بولۋى مۇمكىن.
استانادا كوشپەلى بۇلت شىعادى, كۇن جاۋىن-شاشىنسىز وتەدى. وڭتۇستىكتەن 2-7 م/س جەل سوعادى. اۋا تەمپەراتۋراسى تۇندە +1+3°س, كۇندىز +24+26°س.
شىمكەنتتە كوشپەلى بۇلت شىعادى, وتكىنشى جاڭبىر جاۋادى, كۇندىز نايزاعاي وينايدى. شىعىستان سوعاتىن جەلدىڭ ەكپىنى 15-20, تۇندە كەي ۋاقىتتا 23 م/س بولادى. اۋا تەمپەراتۋراسى تۇندە +8+10°س, كۇندىز +20+22°س.
