وسكەمەن. 11 شىلدە. شىعىس قازاقستان وبلىسىندا كەڭىنەن تانىلىپ كەلە جاتقان جاس يلليۋزيانيست انتون روسس ەسىمدى سيقىرشى سوڭعى كەزدە 20 مەتر بيىكتىكتە ورىندالاتىن امەريكالىق گارري گۋدينيدىڭ تريۋگىن قايتالاپ ءجۇر. بۇل تۋرالى egemen.kz ءتىلشىسى حابارلادى.
انتون 1995 جىلى تۋعان. وسكەمەندەگى №9 ورتا مەكتەپتى تامامداعان. سيقىر ونەرىنە دەن قويىپ جۇرگەن 19 جاسار جىگىت بۇل جولى زاڭعار بيىكتە اياعىنان بايلانعان ارقاننان سالبىراعان كۇيى ۇستىندەگى جەيدەسى مەن تەمىر شىنجىرىن شەشۋگە ءتيىس بولاتىن. ارينە, جەردەن كوككە كوتەرەردە انتوننىڭ قولىن مىقتاپ تۇرىپ ايقاستىرىپ, ۇستىنەن بىتەۋ جەيدە كيگىزىپ, ونىڭ سىرتىنان تەمىر شىنجىرمەن شاندىپ بايلاپ تاستادى. بۇل وتە قاۋىپتى ءارى جاۋاپتى تريۋك بولعاندىقتان, جەڭىس داڭعىلىنىڭ بويىنداعى كورىنىسكە توتەنشە جاعدايلار دەپارتامەنتى مەن جەدەل جاردەم قىزمەتكەرلەرى ارنايى كەلدى.
انتون بۇل ىسكە سانالى تۇردە بارىپ وتىرعاندىعىن, ەشقانداي قان قىسىمى جوقتىعىن, دەنساۋلىعىنىڭ قالىپتى ەكەنىن بايانداعان قولحات جازىپ بەردى. جەدەل جاردەم فەلدشەرى گالينا ۆەيتسەلدىڭ ايتۋىنشا, 20 مەتر بيىكتىكتە تومەن قاراي سالبىراعان ادامنىڭ جەيدە شەشۋى تۇرماق, ارتەريالدى قان قىسىمى كوتەرىلۋى, ومىرىنە زور قاۋىپ ءتونۋى مۇمكىن. سوندىقتان, دارىگەرلەر تريۋكتى كورسەتەردەن بۇرىن انتوننىڭ قان قىسىمىن ولشەپ, تەكسەرۋدەن وتكىزدى.
«بۇل – بەس قاباتتى ءۇيدىڭ بيىكتىگىنە شامالاس. سوندىقتان, ارنايى كيگىزىلگەن كويلەكتى ءۇش-ءتورت مينۋتتىڭ ىشىندە شەشىپ, بوساپ شىقپاسام, باسىما قان قۇيىلىپ كەتۋى دە مۇمكىن», – دەدى جاس يلليۋزيونيست.
سونىمەن, الاڭعا ارنايى الدىرىلعان 25 توننا جۇكتى كوتەرۋگە قابىلەتتى كران انتوندى اياعىنان بايلانعان ارقانىمەن ءزاۋلىم بيىككە كوتەرە جونەلدى. سالدەن كەيىن انتون از-كەم بۇلقىنعانداي قالىپ تانىتىپ, كەۋدەسىن ماتاعان شىنجىردان وڭاي قۇتىلدى. ال جەيدەنى شەشۋگە ءبىرشاما ۋاقىت كەتتى. ءبىرشاما دەيمىز. بار-جوعى بىرەر مينۋت. بىراق, ءتۇۋ كوكتە اياعىنان ءىلىنىپ تۇرعان ادام ءۇشىن ءبىر سەكۋندتىڭ ءوزى ءبىر ساعات سياقتى بولاتىنى بار. بۇل جاعدايدى ارينە, انتون بىلەدى...
ءاپ-ساتتە جەيدە دە شەشىلىپ, تومەن قاراي اعىپ ءتۇستى. سالدەن سوڭ انتوندى كوتەرىپ تۇرعان كراننىڭ كوتەرگىشى دە تومەندەي بەردى. سيقىرشىنى جەردەن توتەنشە جاعداي قىزمەتكەرلەرى مەن دارىگەرلەر كۇتىپ العانىمەن, ول ءوزىنىڭ جاعدايى قالىپتى ەكەنىن ايتتى.
انتون روسستىڭ ايتۋىنشا, مۇنداي ونەر وعان اتاسىنان دارىسا كەرەك. ول اتاسىنىڭ قولىن كەرى قايىرىپ, قايتا قالپىنا كەلتىرەتىن قاسيەتى بولعانىن ءوز قيمىلىمەن جەتكىزدى. بۇل تريۋككە بەس جىل بويى ازىرلەنگەن انتون ءالى دە كوپتەگەن جوسپارلارى بار ەكەنىن ايتتى.
دۋمان اناش.
دەرەككوز: egemen.kz.
وسكەمەن. 11 شىلدە. شىعىس قازاقستان وبلىسىندا كەڭىنەن تانىلىپ كەلە جاتقان جاس يلليۋزيانيست انتون روسس ەسىمدى سيقىرشى سوڭعى كەزدە 20 مەتر بيىكتىكتە ورىندالاتىن امەريكالىق گارري گۋدينيدىڭ تريۋگىن قايتالاپ ءجۇر. بۇل تۋرالى egemen.kz ءتىلشىسى حابارلادى.
انتون 1995 جىلى تۋعان. وسكەمەندەگى №9 ورتا مەكتەپتى تامامداعان. سيقىر ونەرىنە دەن قويىپ جۇرگەن 19 جاسار جىگىت بۇل جولى زاڭعار بيىكتە اياعىنان بايلانعان ارقاننان سالبىراعان كۇيى ۇستىندەگى جەيدەسى مەن تەمىر شىنجىرىن شەشۋگە ءتيىس بولاتىن. ارينە, جەردەن كوككە كوتەرەردە انتوننىڭ قولىن مىقتاپ تۇرىپ ايقاستىرىپ, ۇستىنەن بىتەۋ جەيدە كيگىزىپ, ونىڭ سىرتىنان تەمىر شىنجىرمەن شاندىپ بايلاپ تاستادى. بۇل وتە قاۋىپتى ءارى جاۋاپتى تريۋك بولعاندىقتان, جەڭىس داڭعىلىنىڭ بويىنداعى كورىنىسكە توتەنشە جاعدايلار دەپارتامەنتى مەن جەدەل جاردەم قىزمەتكەرلەرى ارنايى كەلدى.
انتون بۇل ىسكە سانالى تۇردە بارىپ وتىرعاندىعىن, ەشقانداي قان قىسىمى جوقتىعىن, دەنساۋلىعىنىڭ قالىپتى ەكەنىن بايانداعان قولحات جازىپ بەردى. جەدەل جاردەم فەلدشەرى گالينا ۆەيتسەلدىڭ ايتۋىنشا, 20 مەتر بيىكتىكتە تومەن قاراي سالبىراعان ادامنىڭ جەيدە شەشۋى تۇرماق, ارتەريالدى قان قىسىمى كوتەرىلۋى, ومىرىنە زور قاۋىپ ءتونۋى مۇمكىن. سوندىقتان, دارىگەرلەر تريۋكتى كورسەتەردەن بۇرىن انتوننىڭ قان قىسىمىن ولشەپ, تەكسەرۋدەن وتكىزدى.
«بۇل – بەس قاباتتى ءۇيدىڭ بيىكتىگىنە شامالاس. سوندىقتان, ارنايى كيگىزىلگەن كويلەكتى ءۇش-ءتورت مينۋتتىڭ ىشىندە شەشىپ, بوساپ شىقپاسام, باسىما قان قۇيىلىپ كەتۋى دە مۇمكىن», – دەدى جاس يلليۋزيونيست.
سونىمەن, الاڭعا ارنايى الدىرىلعان 25 توننا جۇكتى كوتەرۋگە قابىلەتتى كران انتوندى اياعىنان بايلانعان ارقانىمەن ءزاۋلىم بيىككە كوتەرە جونەلدى. سالدەن كەيىن انتون از-كەم بۇلقىنعانداي قالىپ تانىتىپ, كەۋدەسىن ماتاعان شىنجىردان وڭاي قۇتىلدى. ال جەيدەنى شەشۋگە ءبىرشاما ۋاقىت كەتتى. ءبىرشاما دەيمىز. بار-جوعى بىرەر مينۋت. بىراق, ءتۇۋ كوكتە اياعىنان ءىلىنىپ تۇرعان ادام ءۇشىن ءبىر سەكۋندتىڭ ءوزى ءبىر ساعات سياقتى بولاتىنى بار. بۇل جاعدايدى ارينە, انتون بىلەدى...
ءاپ-ساتتە جەيدە دە شەشىلىپ, تومەن قاراي اعىپ ءتۇستى. سالدەن سوڭ انتوندى كوتەرىپ تۇرعان كراننىڭ كوتەرگىشى دە تومەندەي بەردى. سيقىرشىنى جەردەن توتەنشە جاعداي قىزمەتكەرلەرى مەن دارىگەرلەر كۇتىپ العانىمەن, ول ءوزىنىڭ جاعدايى قالىپتى ەكەنىن ايتتى.
انتون روسستىڭ ايتۋىنشا, مۇنداي ونەر وعان اتاسىنان دارىسا كەرەك. ول اتاسىنىڭ قولىن كەرى قايىرىپ, قايتا قالپىنا كەلتىرەتىن قاسيەتى بولعانىن ءوز قيمىلىمەن جەتكىزدى. بۇل تريۋككە بەس جىل بويى ازىرلەنگەن انتون ءالى دە كوپتەگەن جوسپارلارى بار ەكەنىن ايتتى.
دۋمان اناش.
دەرەككوز: egemen.kz.
