استانا ماڭىن دامىتۋدىڭ كەشەندى جوسپارى ازىرلەندى

استانا. 11 شىلدە. ەلوردا ماڭىن الەۋمەتتىك-ەكونوميكالىق دامىتۋدىڭ 2014-2020 جىلدار ارالىعىنا ارنالعان كەشەندى جوسپارىن بەكىتۋ تۋرالى ۇكىمەت قاۋلىسىنىڭ جوباسى مەملەكەت باسشىسىنىڭ بەرگەن تاپسىرماسىن ورىنداۋعا باعىتتالىپ وتىر. بۇل تۋرالى astana.kz حابارلادى. اتالعان كەشەندى جوسپاردى قابىلداۋ استانا قالاسىنىڭ ماڭىنداعى ينجەنەرلىك جانە الەۋمەتتىك ينفراقۇرىلىمدى قالالىق دەڭگەيگە جەتكىزۋگە مۇمكىندىك بەرەدى دەپ كۇتىلۋدە. كەشەندى جوسپار بويىنشا كولىك ينفراقۇرىلىمى, ەلەكترمەن جابدىقتاۋ نىساندارى, كوممۋنالدىق شارۋاشىلىق وبەكتىلەرى, ءبىلىم, دەنساۋلىق ساقتاۋ سالالارى دامىتىلادى. سونداي-اق, قالا ماڭىنداعى پۋنكتەردە ۇزىندىعى 398,12 كم. جول مەن 1520,82 كم. ينجەنەرلىك جەلى (سۋمەن قامتۋ, تۇرمىستىق جانە نوسەرلى كاناليزاتسيا مەن ەلەكترمەن قامتۋ) جانە 112 ينجەنەرلىك قۇرىلىس (ترانسفورماتورلىق شاعىن ستانتسيالار, كاناليزاتسيالىق سورعى ستانتسيالارى مەن نوسەرلى كاناليزاتسيانى تازارتۋ قۇرىلىسى) سالۋ جوسپارلانعان. جولدىباي بازار. دەرەككوز: astana.kz. فوتو: astana.kz.