ەلەكتروندىق بيلەتتى bilet.railways.kz سايتىارقىلى ساتىپ الۋعا بولادى. ونى رەسىمدەۋ ءۇشىن جولاۋشى تولقۇجات دەرەكتەرىن, جسن, مۇگەدەكتىك تۋرالى انىقتاما ءنومىرىن جانە eGov mobile-دانالىنعان التى تاڭبالى الەۋمەتتىك ID كودىن كورسەتە وتىرىپ تىركەلۋى قاجەت.
جەڭىلدىكتى بيلەت ساتىپ الۋعا نەگىز بارلىعىنتەكسەرۋ اۆتوماتتى تۇردە جۇرگىزىلەدى. دەرەكتەردى ونلاين رەجيمىندە تەكسەرگەننەن كەيىن ساتۋ جۇيەسى تاڭدالعان ورىنعا تومەن باعا جەڭىلدىگىن قولدانۋعا مۇمكىندىك بەرەدى. ەرەكشە قاجەتتىلىكتەرى بار ادامدار ءۇشىن الەۋمەتتىك ماڭىزى بار مارشرۋتتار بويىنشا جول ءجۇرۋ بيلەتىنىڭ قۇنىنان 50% جەڭىلدىك, تالگونىڭ كوممەرتسيالىق مارشرۋتتارى بويىنشا مامانداندىرىلعان كۋپەلەرگە (ەرەكشە قاجەتتىلىكتەرى بار جولاۋشى مەن ىلەسىپ جۇرەتىن ادام ءۇشىن) 70% جەڭىلدىك كوزدەلگەن.
جەڭىلدىكتى جول ءجۇرۋ قۇجاتتارىن رەسىمدەۋ ءراسىمىن جەڭىلدەتۋ ءۇشىن قتج ەڭبەك مينيسترلىگىنىڭ «الەۋمەتتىك كومەك» اۆتوماتتاندىرىلعان اقپاراتتىق جۇيەسىمەن ينتەگراتسيالاۋ بويىنشا جۇمىس جۇرگىزۋدە. وسىدان كەيىن جولاۋشى تەك جسن كورسەتە وتىرىپ, جەڭىلدىكتى بيلەتتەردى راسىمدەي الادى.
ۇلتتىق تاسىمالداۋشى پويىزدارىنا مۇگەدەكتەر مەن ولارعا ىلەسىپ جۇرەتىن ادامدارعا ارنالعان ورىندارى بار مامانداندىرىلعان ۆاگوندار ەنگىزىلەدى. «جولاۋشىلار تاسىمالى» اق پاركىندە ەرەكشە جولاۋشىلاردىڭ قاجەتتىلىكتەرىنە جاۋاپ بەرەتىن 80 كۋپە ۆاگونى بار. ونىڭ 20-سى تالگو ۆاگوندارى.
2025 جىلعا قاراي الەۋمەتتىك ماڭىزى بار مارشرۋتتار بويىنشا قوزعالۋى ناشار ادامدار ءۇشىن ۆاگوندارمەن تولىق قامتاماسىز ەتۋ جوسپارلانۋدا, كوممەرتسيالىق پوەزدار قۇرامىندا - شامامەن 90%. 2023 جىلدىڭ سوڭىنا دەيىن 13 ۆاگوندا ەرەكشە ادامداردى تاسىمالداۋ ءۇشىن ءبىر كۋپە قايتا جابدىقتالادى. 2030 جىلعا دەيىن مۇمكىندىگى شەكتەۋلى جانداردىڭ جايلى ساپارى ءۇشىن كۋپەسى بار 46 ۆاگون ساتىپ الۋ جوسپارلانۋدا.
مۇمكىندىگى شەكتەۋلى جاندار پويىز بيلەتىن تىكەلەي ۆوكزالدان كاسسا ارقىلى دا ساتىپ الا الادى. ول ءۇشىن جەكە باسىن كۋالاندىراتىن قۇجاتتى, مۇگەدەكتىك تۋرالى انىقتامانى ۇسىنۋ قاجەت.
