«گۇلميرا ساتىبالدى قازاقستان رەسپۋبليكاسى قىلمىستىق كودەكسىنىڭ 389-بابىنىڭ 4-بولىگىندە كوزدەلگەن قۇقىق بۇزۋشىلىقتى جاساعانى ءۇشىن كىنالى دەپ تانىلدى. وعان 6 جىل باس بوستاندىعىنان ايىرۋ جازاسى تاعايىندالدى. گۇلميرا ساتىبالدى 28-باپتىڭ 3-بولىگىندە جانە 125-باپتىڭ 2-بولىگىنىڭ 1.8-تارماعىندا كوزدەلگەن قىلمىستى جاساعانى ءۇشىن مۇلكىن تاركىلەۋسىز 7 جىلعا باس بوستاندىعىنان ايىرۋ جازاسى تاعايىندالدى. گۇلميرا ساتىبالدى 7 جىلعا باس بوستاندىعىنان ايىرىلدى», دەدى سۋديا كەمەڭگەر يماشەۆ.
سونداي-اق قر قىلمىستىق كودەكسىنىڭ 49-بابى نەگىزىندە مەملەكەت باسشىسىنا مەملەكەتتىك ناگرادا – «قۇرمەت» وردەنىنەن ايىرۋ تۋرالى ۇسىنىس ەنگىزۋ ۇسىنىلدى.
ايتا كەتەيىك, كاسىپكەر قايرات ساتىبالدىنىڭ بۇرىنعى ايەلى گۇلميرا ساتىبالدى 2022 جىلى 16 ناۋرىزدا ۇستالدى. انتيكور «قازاقتەلەكوم» اق-نىڭ لاۋازىمدىق وكىلەتتىكتەرىن اسىرا پايدالانۋ جانە اسا ءىرى كولەمدەگى قاراجاتتى جىمقىرۋ فاكتىلەرى بويىنشا قىلمىستىق ءىستى تەرگەدى.
