• 11 شىلدە, 2014

كەدەن وداعىنىڭ تەحرەگلامەنتتەرىنە ساي ەمەس ويىنشىقتاردى اكەلۋگە شەكتەۋ قويىلدى

396 رەت

كورسەتىلدى

1 مين

وقۋ ءۇشىن

Egemen Qazaqstan

استانا. 11 شىلدە. 2014 جىلدىڭ 10 شىلدەسىنەن باستاپ تۇتىنۋشىلاردىڭ قۇقىقتارىن قورعاۋ اگەنتتىگى كەدەن وداعىنىڭ تەحنيكالىق رەگلامەنتتەرى تالاپتارىنا جاۋاپ بەرمەيتىن ويىنشىقتاردىڭ ەل اۋماعىنا اكەلىنۋى مەن ساتىلۋىنا ۋاقىتشا سانيتاريالىق شەكتەۋ ەنگىزدى. بۇل تۋرالى BNews.kz حابارلادى.

اتالعان اگەنتتىك جۇرتشىلىققا ويىنشىقتار تاڭداۋ كەزىندە ولارعا ەرەكشە ءمان بەرۋ قاجەتتىگىن ەسكەرتىپ وتىر. ويىنشىقتاردى ساتىپ الۋ كەزىندە سايكەستىك سەرتيفيكاتتارىن نەمەسە باسقا دا ىلەسپە قۇجاتتاردى تالاپ ەتۋ قاجەت. سونداي-اق, ءونىمنىڭ ساپاسى مەن تاڭبالانۋىنا نازار اۋدارعان ءجون. تاعى ءبىر ايتا كەتەر ءجايت, اگەنتتىك تاراپىنان قازىرگى تاڭدا رەسپۋبليكامىزدىڭ نارىعىندا فورمالدەگيدتىڭ رۇقسات ەتىلگەن دەڭگەيىنەن 6 ەسەگە دەيىن, فەنول 9 ەسەگە دەيىن ارتاتىن جانە ورگانولەپتيكالىق كورسەتكىشتەرگە سايكەس كەلمەيتىن, شىعارىلعان جەرى بەلگىسىز ويىنشىقتاردىڭ كەڭ كولەمدە ساتىلىپ جاتقانى انىقتالعان. جولدىباي بازار. دەرەككوز: BNews.kz. فوتو: Liki.me.