ناۋرىز سايلاۋباي 2022 جىلدىڭ 1 قىركۇيەگىندە قاسىم-جومارت توقاەۆ قازاقستان حالقىنا جولداۋىندا ەلگە زاڭسىز اكەلىنگەن اۆتوكولىكتەردى زاڭداستىرۋ بويىنشا ءبىر رەتتىك شارا قولدانۋدى ۇسىنعانىن ەسكە سالدى.
ناتيجەسىندە ەلگە اكەلىنگەن شەتەلدىك كولىكتەردى 2023 جىلعى 1 شىلدەگە دەيىن زاڭداستىرۋ تۋرالى شەشىم قابىلداندى. بىراق دەپۋتات قازاقستان ازاماتتارى بىرقاتار سەبەپتەرگە بايلانىستى شەتەلدە كولىك ساتىپ الۋىن جالعاستىرىپ جاتقانىن جانە بولاشاقتا بۇل جاعداي كۇردەلى الەۋمەتتىك ماسەلەلەرگە اكەلۋى مۇمكىن ەكەنىن ايتتى.
«شەتەلدىك كولىكتەردى زاڭداستىرۋ مەرزىمىن ەلگە زاڭسىز اكەلۋگە قارسى ناقتى شارالاردى انىقتاپ, بەكىتكەنگە دەيىن ۇزارتۋدى ۇسىنىپ وتىرمىز», دەدى ناۋرىز سايلاۋباي.
بۇل رەتتە, دەپۋتات ماسەلەنىڭ الەۋمەتتىك جاعىنا دا توقتالدى.
«بۇل كولىك يەلەرىنىڭ اراسىندا جالعىزباستى انالار, كوپ بالالى وتباسىلار, مۇمكىندىگى شەكتەۋلى بالالاردى تاربيەلەپ وتىرعان وتباسىلار, 35 جاسقا دەيىنگى جاستار بار», دەپ قوستى ناۋرىز سايلاۋباي.
