ونىڭ ايتۋىنشا, ەكى ەلدىڭ اراسىندا كوتەرمە-تاراتۋ ورتالىقتارىنىڭ قۇرىلىسىنا قاتىستى كەلىسىمدەرگە قول قويىلعان. اتالعان ورتالىقتار قازاقستانعا قاجەتتى جەمىس-كوكونىس ونىمدەرىن جەتكىزۋدى ۇلعايتۋعا مۇمكىندىك بەرەدى.
سونداي-اق تاجىكستان ۇكىمەت باسشىسىنىڭ ورىنباسارى وتكەن جىلى 2 ملن 700 مىڭ توننا جەمىس-كوكونىس, ميلليون توننا جەمىس-جيدەك پەن ءجۇزىم جيناعاندارىن اتاپ ءوتتى. ونىڭ ىشىندە قازاقستانعا 26 مىڭ توننا ءجۇزىم ەكسپورتتالدى. اۋىلشارۋاشىلىق تاۋارلارىن جەتكىزۋ قۇرىلىمى جىلدان جىلعا ارتىپ تا كەلە جاتىر.
«بۇگىن بيزنەس فورۋمدا ۇكىمەتارالىق كوميسسيا دۋشانبە مەن استانا اراسىندا اۋە قاتىناسىنىڭ قايتادان جانداناتىنى جايلى ايتتى. مەنىڭشە, بۇل ماسەلە شەشىلەدى», دەدى سۋلايمون زيەزودا فورۋم اياسىندا باق وكىلدەرىنە بەرگەن سۇحباتىندا.
