قۇرىلىسى 2010 جىلى باستالعان سۋ قۇبىرى 2021 جىلى ىسكە قوسىلۋى كەرەك ەدى. بۇل تۋرالى بۇرىنعى ەكولوگيا مينيسترى ماعزۇم مىرزاعاليەۆ ايتقان ەدى. ال سەرىكقالي برەكەشەۆ سۋ قۇبىرى 2022 جىلى پايدالانۋعا بەرىلەتىنىن ايتقان. الايدا, قۇبىر قۇرىلىسى بىتپەگەن كۇيىندە قالىپ وتىردى.
اتالعان قۇبىر جۇيەسى جەزقازعان, ساتباەۆ قالالارىن اۋىز سۋمەن قامتاماسىز ەتەدى دەپ جوسپارلانىپ وتىرعان. ونىڭ قۇرىلىسى وسىدان 13 جىل بۇرىن باستالعان. بىراق, بارلىق جۇمىستار 2012 جىلى اپات جاعدايىنا بايلانىستى توقتاپ قالعان. كەيىن قايتا جاندانعان قۇرىلىس 2018 جىلعا دەيىن اياقتالۋى كەرەك ەدى. باس مەردىگەردىڭ قۇرىلىس ساپاسىنا سالعىرت قاراۋى سالدارىنان, قۇبىرداعى جۇمىستار سوڭىنا دەيىن بىتپەگەن.
دەگەنمەن, «ەسقۇلا» سۋ قۇبىرىنا جىل سايىن بيۋدجەتتەن قاراجات ءبولىنىپ وتىرعان. ونىڭ باستاپقى قۇنى 5,8 ملرد تەڭگە بولسا, كەيىن تاعى 10 ملرد-قا جۋىق قوسىمشا قارجى بولىنگەن.
