وعان اقتوبە وبلىسىنىڭ اكىمى ەرالى توعجانوۆ, قوعام وكىلدەرى, قالا تۇرعىندارى مەن قوناقتارى قاتىستى.
ءوڭىر باسشىسى قازاقستان حالقىنىڭ بىرلىگى كۇنى دوستىقتى, پاتريوتيزم مەن بەيبىتشىلىكتى ناسيحاتتايتىن مەرەكە ەكەنىن اتاپ ءوتتى.
ء«بىزدىڭ تاۋەلسىزدىگىمىز بىرلىكپەن, قوعامدىق كەلىسىممەن جانە تۇراقتىلىقپەن تىعىز بايلانىستى. بىرلىك كۇنىندە ۇيىمداستىرىلعان «ەل بىرلىگى: قاسيەتتى دومبىرا» ءىس-شاراسىن وتكىزۋىمىز وتە سيمۆولدىق مانگە يە. ويتكەنى دومبىرا قازاق حالقىنىڭ مۋزىكالىق مادەنيەتىنىڭ باستى سيمۆولى. ۇلى دالانىڭ ۇلتتىق اسپابىنىڭ ءۇنى اقتوبە شاھارىنا, بارلىق اۋدان ورتالىقتارىنا جەتكىزىلدى. 6000 بالا قازاق حالقىنىڭ كورنەكتى كومپوزيتورلارىنىڭ ولمەس شىعارمالارىن ءبىر مەزەتتە ورىنداۋ ارقىلى ۇلتتىق مۋزىكالىق اسپاپقا دەگەن سۇيىسپەنشىلىگىن كورسەتتى. بۇل ءۇشىن كوپ راحمەت. وسىنداي وسكەلەڭ ۇرپاعى بار قازاقستاننىڭ بولاشاعى زور», دەپ اتاپ ءوتتى ءوڭىر باسشىسى.
اقتوبەدە Dombyra party اكتسياسى ونەر ورتالىعىنان بولەك, شىعارماشىلىق اكادەمياسى عيماراتى الدىندا, ەسەت باتىر شاعىن اۋدانىنىڭ ەسەتباتىر ەسكەرتكىشى جانىنداعى الاڭى سەكىلدى بىرنەشە جەردە ءبىر مەزگىلدە ءوتتى.
ءىس-شاراعا قاتىسۋشىلار ا.جۇبانوۆتىڭ «بي», قۇرمانعازىنىڭ «بالبىراۋىن» جانە ءا. جەلدىباەۆتىڭ «ەركەسىلقىم» كۇيلەرىن ورىندادى.
وبلىس اكىمى قازاق مۋزىكالىق اسپاپتارىنىڭ ۇيىرمەلەرىنە باراتىن ەتنوس وكىلدەرىنىڭ وقۋشىلارىنا دومبىرا تابىستادى. دارىندى جاستاردى قولداۋ ماقساتىندا تاعى بىرنەشە بالاعا مۋزىكالىق ستۋديادا ءان جازۋعا سەرتيفيكاتتار تارتۋ ەتىلدى.
