وزبەكستان ورتالىق سايلاۋ كوميسسياسىنىڭ مالىمەتىنشە, جەرگىلىكتى ۋاقىت بويىنشا ساعات 17:00-دە سايلاۋشىلار تىزىمىنە ەنگىزىلگەن ازاماتتاردىڭ 81,39 پايىزى داۋىس بەرگەن. رەفەرەندۋمنىڭ الدىن الا قورىتىندىسى ەرتەڭ بەلگىلى بولادى.
سايلاۋ بارىسىن 50-دەن استام ەلدەن 400-گە جۋىق حالىقارالىق بايقاۋشى باقىلاعان.
وزبەكستاندا 8:00-دەن 20:00-گە دەيىن داۋىس بەرۋ ءۇشىن 10,7 مىڭنان استام ۋچاسكە جۇمىس ىستەدى. سونداي-اق 39 ەلدە وزبەكستاننىڭ ديپلوماتيالىق جانە وزگە دە وكىلدىكتەرى جانىنان 55 ۋچاسكە قۇرىلدى.
ەسكە سالايىق, بۇعان دەيىن وزبەكستاندا رەفەرەندۋمدا داۋىس بەرۋ باستالعانىن حابارلاعان بولاتىنبىز.
