سەرگەي ستارىگين شاكىرتتەرى چەمپيوناتتاعى سوڭعى, شەشۋشى تۋر ويىنىن فرانتسيا قۇراماسىمەن وتكىزدى. مۇزايدىن يەلەرى ءوز جانكۇيەرلەرىنىڭ قولداۋى استىندا ويناسا دا, جەرلەستەرىمىزگە قارسى ەش دارمەن كورسەتە المادى. ناتيجەسىندە, قازاقستان قۇراماسى 6:1 ەسەبىمەن جەڭىسكە جەتىپ, الەم چەمپيوناتىنىڭ جوعارى توبىنا جولداما الدى. بۇل ويىندا قازاقستان قۇراماسى ساپىنان الەكساندر ميگۋنوۆ, نيكيتا سيتنيكوۆ, بەيبارىس ورازوۆ, داۋلەت نۇركەنوۆ جانە ەگور لەۆكوۆەتس مەرگەندىگىمەن كوزگە تۇسسە, مۇزايدىن يەلەرىنەن ورەلەن سەررەس دالدىك تانىتتى.
وسىلايشا, بەس ماتچتىڭ تورتەۋىندە جەڭىسكە جەتىپ, بىرەۋىندە قارسىلاستارىنا جول بەرگەن قازاقستاننىڭ جاسوسپىرىمدەر قۇراماسى تۋرنير كەستەسىندە 12 ۇپايمەن كوش باستاپ, كەلەسى جىلى وتەتىن الەم چەمپيوناتىنىڭ ەليتالى كەزەڭىندە باق سىناۋ مۇمكىندىگىنە يە بولدى.
چەمپيونات قورىتىندىسى بويىنشا, قازاقستان قۇراماسىنىڭ قاقپاشىسى – ۆلاديمير نيكيتين بىرىنشىلىكتىڭ ۇزدىك قاقپاشىسى دەپ تانىلدى. ول ءۇش ماتچتا قاقپاسىنا بىردە-ءبىر شايبا وتكىزبەي, سوققى قايتارۋ بويىنشا دا ۇزدىك شىقتى – 93,64%.
