بيىل تۇرعىنداردان قالا اكىمى مەن وبلىس اكىمىنە كەنتتىڭ اتاۋىن وزگەرتۋ تۋرالى ءوتىنىش تۇسكەن. سودان كەيىن 1 اي بۇرىن وبلىستىق گازەتتەردە 29 ساۋىردە قوعامدىق تىڭداۋ وتەتىنى تۋرالى حابارلاما تاراتىلعان.
- جەرگىلىكتى تۇرعىندارمەن جيىندار ءوتتى. اقپاراتتاندىردىق. توپتار قۇرىلدى. كوپ ۇسىنىس ءتۇستى. 20-عا جۋىق اتاۋ ۇسىنىلدى. دەگەنمەن جەرگىلىكتى تۇرعىندارمەن وتكەن جيىنداردا 7 ۇسىنىس ىرىكتەلدى. وعان قازانعاپ, بيدايىق, اتامەكەن, ىنتىماق, قازىنا, جەتىنشى اۋىل اتاۋلارى جانە اتاۋدى وزگەرتپەۋ نۇسقاسى كىردى. ودان كەيىن بۇگىنگى قورىتىندى جيىندا ەكى اتاۋ: قازانعاپ بي جانە اتامەكەندى قاراستىرۋ تۋرالى شەشىم قابىلداندى, - دەدى كەنت اكىمى مارجان الشىمباەۆا.
قوعامدىق تىڭداۋعا كەنت تۇرعىندارى, جەرگىلىكتى قوعامداستىق مۇشەلەرى, جاقىن اۋىلدارداعى جانە قالاداعى اۋىلدىڭ تۋمالارى, اۋىلعا قاتىسى جوق ادامدار دا باردى. جينالعانداردىڭ پىكىرى تىڭدالدى. شەشىمدى جەرگىلىكتى قوعامداستىق مۇشەلەرى شىعاردى.
داۋىس بەرۋگە جەرگىلىكتى قوعامداستىقتىڭ 50 مۇشەسى قاتىسىپ, 49 ادام اتامەكەن اتاۋىنا داۋىس بەردى. ەندى زاڭناما بويىنشا اتاۋدى وزگەرتۋ جۇمىسىنا 3-6 اي ۋاقىت جۇمسالادى.
ايتا كەتەيىك, لەنين كەنتىندە 10 مىڭنان استام ادام, ونىڭ ىشىندە 20-دان استام ۇلت جانە ۇلىس وكىلدەرى تۇرادى.
